Abaev: Qazaqstan halqynyń 88 paıyzy otandyq telearnalardy kórip otyr
«Esepteýler nátıjesine sáıkes, teleaýdıtorııanyń 88 paıyzy qazaqstandyq arnalardy tańdaıdy. Sonymen birge olardyń 53 paıyzy arnalarymyzdy kúndelikti kórýde. Bizdiń maqsat bul kórsetkishti arttyrýǵa negizdelgen, sebebi qazirgi zamanǵy álemde tele-radıo habar taratý qoǵamdaǵy ońtaıly ózgeristerdiń katalızatorlarynyń biri bolyp tabylady»,-dedi mınıstr.
Onyń sózine qaraǵanda, mınıstrliktiń tapsyrysy boıynsha aýqymdy áleýmettik zertteý júrgizilip, bul shara qazaqstandyqtardyń medıa-tańdaýyn anyqtaýǵa baǵyttaldy.
Alynǵan qoldanbaly málimetterdiń negizinde BAQ-ty modernızatsııalaý men ulttyq aqparattyq keńistikti júıeleýdiń negizgi jobalary qalyptastyryldy.
Onyń ishinde «Habardyń» ustanymy ózgerdi. «24 kz» «Habar 24» telearnasy bolyp rebrendıng júrgizildi, «Kazakh TV» telearnasy «Bilim jáne mádenıet» telearnasymen biriktirildi.
Sonymen qatar «Kazsport» telearnasy zamanaýı HD formatqa kóshirildi, munymen qosa «Qazaq radıosy», «Shalqar» jáne «Classic» radıolarynyń qamtý aýmaǵy keńeıtildi.