Abaev: Bul kún - tól tarıhymyzda tuńǵysh ret prezıdenttik basqarý júıesi bastaý alǵan kún

ASTANA. QazAqparat - Qazaqstan Respýblıkasynyń Aqparat jáne kommýnıkatsııalar mınıstri Dáýren Abaev óziniń Feısbýktegi paraqshasynda barsha qazaqstandyqtardy 1 jeltoqsan - Qazaqstan Respýblıkasynyń Tuńǵysh Prezıdenti kúni merekesimen quttyqtady.

«Ardaqty aǵaıyn! Búgin halqymyz memlekettik mereke - Qazaqstan Respýblıkasynyń Tuńǵysh Prezıdenti kúnin qarsy alýda. Bul kún - tól tarıhymyzda tuńǵysh ret prezıdenttik basqarý júıesi bastaý alǵan kún», - dep jazdy mınıstr.

Sondaı-aq, Dáýren Áskerbekuly egemendiktiń eń qıyn jyldarynda prezıdenttik bılik qoǵamdy toptastyrýdyń, saıası turaqtylyq pen qalypty damýǵa jumyldyrýdyń quraly retinde qyzmet etkenin atap ótti.

«Elbasynyń basqarýymen halqymyz birtutas ult retinde nyǵaıyp, álemge jańa Qazaqstandy áıgileı otyryp, tabysty memleket qurdy. Elimiz birliktiń besigine, tatýlyqtyń turaǵyna aınaldy», - dedi ol.

«Mereıli merekemen shyn júrekten quttyqtaı otyryp, barshańyzǵa baq-bereke, otbasylaryńyzǵa amandyq, eńbekterińizge tabys tileımin!» dep túıdi quttyqtaý sózin mınıstr.