AÁK alǵan túlkibastyq ana kókónisten alǵashqy ónimin jınady

TÚLKІBAS. QazAqparat – Túrkistan oblysy, Túlkibas aýdanynda turatyn kópbalaly ana Núrılá Qarataeva mamyr aıynda alǵan ataýly áleýmettik aqshasyna kókónis egip, alǵashqy ónimin aldy.

Kemerbastaý aýyldyq okrýginiń turǵyny 15 sotyq jerine mol ónim beretin golandtyq aıaks surtty qııar ekken otbasy kún saıyn 60-70 keli ónim alyp jatyr, dep habarlaıdy QazAqparat tilshisi.

Úsh ul men eki qyz ósirip otyrǵan kelinshek ataýly áleýmettik kómek retindegi 340 myń teńgeniń 200 myńyna saýyn sıyr alǵanyn aıtady. Al, qalǵan 140 myń teńgesine aýladaǵy jerine kókónis ekken.

«Atalmysh baǵdarlama iske qosyldy degende dereý qajetti qujattarymdy jınap, kómek alýǵa asyqtym. Sondaǵy oıym barshylyqta, molshylyqta ómir súretin boldyq qoı degenim. Rasymen de, ataýly kómekti alǵan soń jaǵdaımyzda edáýir jaqsardy. Baıaǵydaı, qalaı jetkizemiz degen oılar azaıdy. Alǵan ónimimizdi Túlkibas kentindegi kók bazarǵa jáne konservi zaýytyna kelisin 70-100 teńge aralyǵynda ótkizip, bala-shaǵamyzdyń oqýyna qajetti kıim-keshegin túgendep, sıyrymyzǵa qysqy jem-shóbin daıyndaýdamyz»,- deıdi kópbalaly ana.

Búginde turmystyq jaǵdaıy birshama jaqsarǵan aýyl turǵyny osyndaı ólsheýsiz kómek kórsetken Memleket basshysyna kópbalaly ana retinde alǵysyn bildirdi.