A. Jumaǵalıev: Úlken Almaty aınalma avtomobıl joly qurylysy keler jyly bastalady
16:40, 21 Qazan 2013
ASTANA. 21 qazan. QazAqparat - Úlken Almaty aınalma avtomobıl joly qurylysy kelesi jyly bastalady. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Kólik jáne kommýnıkatsııa mınıstri Asqar Jumaǵalıev málim etti.
«Búginde júzege asyrylǵan óte qyzyqty jobalardyń biri - ÚAAAJ kontsessııalyq jobasy. Ony ony jeke ınvestıtsııa esebinen, memleket ınvestıtsııasy esebinen júzege asyrý boljanýda. Tender 2013 jyldyń jeltoqsan aıynda ótedi, odan keıin naqty merdigerdi anyqtap, biz kelesi jyly qurylysyn bastaýdy josparlap otyrmyz», - dedi A.Jumaǵalıev.
Aıta keteıik, mınıstrliktiń aqparatyna qaraǵanda, bul joldyń uzaqtyǵy 65,5 shaqyrymdy quraıdy. Joba quny 750 mln. AQSh dollaryna teń. Júzege asyrylý kezeńi - 2014-2017 jyldar.