Á. Jaqsybekov elordanyń turǵyn úıleri men mekemeleriniń energııamen úzilissiz qamtylýyn tapsyrdy

ASTANA. QazAqparat - Búgin Á. Jaqsybekovtyń tóraǵalyǵymen Astana qalasy ákimdiginde ótken kezekti apparat jınalysy barysynda Telman eldi-mekenindegi jaryqtyń óshirilýi, elorda turǵyndarynyń elektr jáne jylý kózderimen jalpy qamtylýy máseleleri talqylandy, dep habarlady astana.gov.kz.

Ákim bolashaqta mundaı jaǵdaılardy boldyrmaýdy, elordanyń turǵyn úıleri men mekemeleriniń energııamen úzilissiz qamtylýyn tapsyrdy.

Investorlar tarapynan uzaq merzimde ıgerilmeı qalǵan jer telimderiniń kórinisi de birqatar synǵa ushyrady. Atalmysh jer telimderi sazdanyp, aýmaq kúresinge, turǵylyqty meken-jaıy joq tulǵalardyń jınalatyn jerine aınalady. Ákim máseleli jer telimderiniń tolyq tizimin jasap, jaqyn arada tıisti sharalardy qoldanýdy buıyrdy.

Apparat jıyny barysynda aýla klýbtarynyń jumysyn retteý, mádenı-buqaralyq jáne demalys sharalarynyń uıymdastyrylýy, jalpy Astananyń jastar saıasatynyń nátıjeliligi talqylandy.

- Bul salada formalızm men bıýrokratııanyń kóleńkesi de bolmaýy qajet. JOO, jataqhanalar, turǵylyqty meken-jaılar boıynsha belsendi jumys ǵana bolýy shart. Buǵan úlken qarajattyń qajeti joq - shyǵarmashylyq izdenis pen jańa qarym-qatynas úlgisi kerek. Elorda qyzyqty pılotty jobalardyń bastamashysy, ózge óńir jastary úshin úlgi bolýy kerek, - dedi Á. Jaqsybekov.