A.Sárinjipov: Jastardyń tek 17 paıyzy ǵana kásiptik bilimmen qamtylǵan
13:15, 28 Qarasha 2014
ASTANA. QazAqparat - Jastardyń tek 17 paıyzy ǵana kásiptik bilimmen qamtylǵan. Bul týraly búgin «Kásiptik bilim jáne bıznes: áriptester suhbattastyǵy» atty 6-shy halyqaralyq forýmda QR Bilim jáne ǵylym mınıstri Aslan Sárinjipov aıtty.
«Búginde tehnıkalyq jáne kásiptik bilim berý júıesimen jastardyń tek 17 paıyzy qamtylǵan. Buǵan qosa, 14-24 jas aralyǵyndaǵy jastardyń 20 paıyzynyń kásibi joq, onyń 3 paıyzy eshqaıda jumys istemeıdi», - dedi ol.
Mınıstr Elbasy Nursultan Nazarbaev óz Joldaýynda birinshi jumysshy mamandyqtaryn kepildi alýdy qamtamasyz etý jónindegi sharalardy qabyldaýdy tapsyrǵanyn eske saldy.
«Osyǵan baılanysty «Bilim týraly» Zańǵa sáıkesinshe ózgerister engiziledi jáne tehnıkalyq mamandyqtarǵa memlekettik tapsyrysty kezeń-kezeńimen ulǵaıtý sharalary qabyldanady», - dedi A.Sárinjipov.