A.Raý: Indýstrııalandyrý kezeńinde QR ekonomıkasynyń energııa syıymdylyǵy 18,6%-ǵa tómendedi

ASTANA. QazAqparat - 2010-2014 jyldary Qazaqstan ekonomıkasynyń energııa syıymdylyǵy 18,6%-ǵa tómendedi, bul ındýstrııalandyrý baǵdarlamasyn júzege asyrý kezinde júrgizilgen energııa únemdeý saıasatynyń tıimdiligin kórsetedi, dep málimdedi QR Investıtsııalar jáne damý mınıstriniń orynbasary Albert Raý Astanada ótken qazaqstandyq-germandyq birinshi energetıkalyq forýmy barysynda.

«2010-2014 jyldary eldiń energııa syıymdylyǵy 18,6%-ǵa tómendedi, JІÓ-degi servıs úlesi ósip jáne IIDMB jańa kásiporyndary zamanaýı talaptarǵa jaýap bere bastaǵanda bul ekonomıka qurylymynyń ózgergenin baıqatady», - dedi A.Raý.

Ol energııa únemdeý salasynda qoıylǵan mindetterge qol jetkizý úshin sońǵy bes jylda biryńǵaı saıasatty qalyptastyrý jáne júzege asyrý boıynsha júıeli jumys júrgizilgenin atap ótti.

«Bul oraıda zań, normatıvtik baza qabyldandy, memlekettik baqylaý qamtamasyz etildi. Memlekettik-energetıkalyq reestr qalyptasyp, óńirlik baǵdarlamalar iske qosyldy. Atalmysh sharalar DENA, nemis energetıkalyq agenttigimen birlese jasaldy, qazir ol bizdiń negizgi seriktes», - dep basa aıtty vıtse-mınıstr.

Qazirgi tańda energııa únemdeý jáne energııa tıimdilikti kóterý saıasaty QR-da ındýstrıaldy-ınnovatsııalyq damý baǵytynyń biri bolyp sanalady. Sondaı-aq, eldiń básekege qabilettiligi men tehnologııalyq jańǵyrtý, ónerkásip jáne turǵyn úı kommýnaldyq salasyn kóterýge baǵyttalǵan.

«Elbasy 2020 jylǵa deıingi ındýstrıaldy-ınnovatsııalyq damý baǵdarlamasynda jalpy ishki ónim energııa sıymdylyǵyn 25%-ǵa jetkizýdi, al 2050 jylǵa qarsy 50%-ǵa jetkizý mindetin qoıdy», - dedi A. Raý.