A. Nábıev Respýblıkalyq dıagnostıkalyq ortalyq basqarmasynyń tóraǵasy bolyp taǵaıyndaldy

ASTANA. QazAqparat - Altaı Nábıev «Respýblıkalyq dıagnostıkalyq ortalyq» AQ Basqarma tóraǵasy bolyp taǵaıyndaldy.

Munyń aldynda A.Nábıev atalǵan klınıkanyń Strategııalyq damý basqarmasy basshysynyń qyzmetin atqardy, delingen Ulttyq medıtsınalyq holdıngtiń habarlamasynda.

A. Nábıev medıtsına ǵylymdarynyń kandıdaty, joǵary sanatty densaýlyq saqtaýdy uıymdastyrý dárigeri, «QR densaýlyq saqtaý isiniń úzdigi» qurmet belgisiniń ıegeri. Birneshe jyldar qatarynan nefrologııa, revmatologııa bólimderin basqarǵan, oblystyq jáne qalalyq medıtsınalyq uıymdarda medıtsınalyq dırektordyń qyzmetin atqarǵan, sodan keıingi eńbek jolyn «Respýblıkalyq dıagnostıkalyq ortalyq» AQ-da jalǵastyrdy.