A. Muhamedıuly búgingi kúnniń qaharmandary týraly pesalar qoıýdy usyndy

ASTANA. QazAqparat - Teatrlarda zamandas qaharmandar týraly pesalar qoıý kerek. Bul týraly búgin Ortalyq kommýnıkatsııalar qyzmetindegi brıfıngte QR Mádenıet jáne sport mınıstri Arystanbek Muhamedıuly aıtty.

«Bizdiń teatrlardyń repertýarlary klassıkamen qatar, jergilikti dramatýrgterdiń shyǵarmalaryn qamtýy tıis. Birinshi kezekte, bul qoıylymdar bizdiń jastardy otansúıgishtikke tárbıeleýge baǵyttalýy tıis. Biz qazirgi zamanǵy qaharmandar týraly pesalar qoıýymyz kerek. Bul turǵyda adamdardy qutqaryp, erlik jasap jatqan adamdar bizde barshylyq»,-dedi mınıstr.

Atap aıtqanda, atalǵan vedomstvo ázirlegen tujyrymdamaǵa sáıkes, QR Mádenıet jáne sport mınıstrligi janynan teatr jáne murajaı isi jónindegi shyǵarmashylyq keńester qurýdy qarastyrady. Kerkemdik keńester repertýarlyq, gastroldik, kadrlyq saıasatty úılestirýdi, ózekti máselelerdi sheshýdi qamtıdy, sondaı-aq ilgerileýdiń jańa formalaryn izdestiredi dep boljanýda.