A. Muhamedıuly: Biz úshin qoǵamdyq turaqtylyq pen ultaralyq kelisimniń, azamattyq beıbitshiliktiń kepili - Memleket basshysy

ASTANA. QazAqparat - Bizdiń kópultty jáne kópkonfessııaly qoǵamymyz úshin qoǵamdyq turaqtylyq pen ultaralyq kelisimniń, azamattyq beıbitshiliktiń kepili - Memleket basshysy. Búgin elordada ótip jatqan elimizdiń Konstıtýtsııa kúnine arnalǵan «Konstıtýtsııa: Turaqtylyq, beıbitshilik jáne qoǵamdyq kelisim» atty halyqaralyq ǵylymı-tájirıbelik konferentsııada QR Mádenıet jáne sport mınıstri Arystanbek Muhamedıuly osylaı dedi.

«1995 jyldyń 30 tamyzynda Konstıtýtsııany biraýyzdan qoldap, daýys bergen Qazaqstan halqy basqarýdyń prezıdenttik úlgisin túpkilikti tanyp, elimizdiń bastapqy damý modelin anyqtady. Búgingi kúni bizdiń kópultty jáne kópkonfessııaly qoǵamymyz úshin qoǵamdyq turaqtylyq pen ultaralyq kelisimniń, azamattyq beıbitshiliktiń kepili - Memleket basshysy - Ult Kóshbasshysynyń róli zor», - dedi ol.

Mınıstrdiń atap ótýinshe, Konstıtýtsııa qyzmet atqarǵan 20 jyl ishinde ol óziniń áleýetin, turaqtylyǵyn, naryqtyq jáne demokratııalyq negizin dáleldep berdi.

«Konstıtýtsııada memlekettiń áleýmettik mártebesi kórsetilip, azamattardyń qundylyqtary, quqyqtary men bostandyqtary aıqyndaldy. Halyqtyń ıgiligin kózdeıtin ekonomıkalyq damý, qoǵamdyq kelisim men patrıottyq sezimder memleket qyzmetiniń negizin qalaýshy qaǵıdattar qataryna kirdi», - dedi A.Muhamedıuly.