A.Muhamedıuly birqatar azamattarǵa «Qazaqstan Konstıtýtsııasyna 20 jyl» tósbelgisin tapsyrdy
«1995 jyly qabyldanǵan Ata zańymyz óz ómirsheńdigin dáleldedi, el taǵdyryndaǵy tuǵyry bıik qujatqa aınaldy. Konstıtýtsııa - Qazaqstandaǵy turaqtylyq pen birliktiń kepili. Bul kún árbir azamat qurmetteýgi mindetti mereke», - dedi saltanatty jıyndy asha otyryp A.Muhamedıuly. Mınıstr atap ótkendeı, «100 naqty qadam - Ult josparyn» júzege asyrýda mádenıet, sport pen din salasyna artylatyn júk salmaqty. «Bul rette mınıstrliktiń basym jumysy birlik pen yntymaqty nyǵaıtýǵa baǵyttalady», - dedi A.Muhamedıuly. Saltanatty shara barysynda mınııstr mádenıet salasynyń úzdikteri N.Dáýeshev, A.Álibek, B.Aıýhanov, E.Bilálov, B.Núsipjanovtarǵa, sondaı-aq sport jáne din salasynyń birqatar úzdikterine «Qazaqstan Konstıtýtsııasyna 20 jyl» medaldaryn tabys etti.
«Otanymyzdyń gúldený jolyna sarp etken qajyrly eńbekterińiz úshin alǵysymdy aıtamyn. Konstıtýtsııamyzdy qasterlep, tynyshtyǵymyz ben birligimizdi kózimizdiń qarashyǵyndaı saqtaıyq», - dedi áriptesterin kele jatqan Ata Zań kúnimen quttyqtaǵan mınıstr.