A.Muhambetov: Jumysymyzdyń basty baǵyty - agrarlyq sektor

QOSTANAI. QazAqparat - Qostanaı oblysynyń ákimi Arhımed Muhambetov Ortalyq kommýnıkatsııalar qyzmetiniń aımaqtyq fılıalynda brıfıng ótkizdi.

Aımaq basshysynyń aıtýynsha, oblys ákiminiń basty maqsaty - Qostanaı oblysynyń ekonomıkasyna ınvestıtsııa tartý. Bul rette, jumystyń basty baǵyty - agrarlyq sektor bolmaq. Jańa zańǵa sáıkes, bul salada biraz ýaqyttan keıin aýyl sharýashylyq maqsatyna arnalǵan jerler satylady bastaıdy. «Jalpy, oblysta satatyn 10,5 mln gektar jer bar, ázirge 45 myń gektary satyldy. Biraq, shilde aıynan bastap, jańa zańǵa sáıkes, jer ýchastoktaryn jekemenshikke berý jumysy jandanady», - dep málim etti ákim.

Onyń aıtýynsha, jańa jyldan bastap oblysqa qarqyndy túrde strategııalyq ınvestıtsııa tartyla bastaǵan. Mysaly, byltyr bul kórsetkish 15 paıyzǵa azaıyp ketken edi, 2016 jyldyń eki aıynda 10 paıyzdyq ósim tirkelgen eken.

«Ekonomıkany damytý úshin shıkizatty azaıtý kerek. Sondyqtan, oblys boıynsha balqytylǵan temir óndiretin zaýyttyń (qytaı ınvestorlarymen birge) qurylysy, aýyl sharýashylyǵy ónimderin qaıta óńdeıtin zaýyttyń qurylysy sııaqty iri jobalardy qarqyndy túrde júzege asyryp jatyrmyz», - dedi oblys ákimi.

A.Muhambetov erteń Tatarstan Respýblıkasynyń Prezıdenti Rýslan Mınnıhanovpen kezdesetinin jáne Tatarstanda ótetin kezdesý barysynda ekonomıka taqyrybynda kelissózder ótetinin habarlap ótti. Qostanaı oblysynan baratyn delegatsııa oblystyń ekonomıkasyna serpin bere alatyn salalardaǵy kásiporyndardy aralap, tájirıbe almasady dep kútilýde.