A.Meshimbaevaǵa qatysty qylmystyq is taıaýda sotqa beriledi - I.Merkel
Baǵdarlama júrgýshisiniń saýalyna jaýap bergen ol Shveıtsarııaǵa boı tasalaǵan V.Hrapýnovqa qatysty qosymsha eshteńe aıta almaıtyndyǵyn atap ótti. «Ony bizge ekstradıtsııalaý úshin sáıkesinshe qujattar jiberdik. Eýropalyq normaǵa sáıkes, eger Qazaqstanda qylmys jasap jasaǵan adam turyp jatqan el ony bizge bermese, onda ózderi onyń qylmystyq isin ózderi júrgizýi tıis. ázirshe ony bizge berý týraly da, qylmystyq qýdalaýdy júzege asyrý týraly da másele sheshiler emes. Biz is júzinde ol jaqqa qylmystyq isti jibere alamyz, olardy sottary qarasyn», - dedi I.Merkel.
Onyń atap ótýinshe, bul jaǵdaıda «qosarlanǵan standart» qoldaný týraly aıtýǵa bolady. Buǵan qosa Eýropanyń kóptegen elderi yntymaqtastyqqa kelisip te jatady. Máselen, Ispanııadan Qazaqstanda qasaqana adam óltirgen adam qaıtarylady. Qazirgi ýaqytta ol Ispanııada jazasyn óteýde. Ony ótep bolǵannan keın Qazaqstanǵa kelip, qazaqstandyq sot taǵaıyndaǵan jazany óteıin bolady. Sonymen qatar Qorshaǵan ortany qorǵaý mınıstrliginiń ıadrolyq qaldyqtardy joıýǵa bólingen iri kólemdegi qarjysyn urlaýmen baılanysty qylmystyq is qozǵalǵan Savıtskaıa Chehııada tutqyndaldy. Taıaý arada ol Qazaqstanǵa qaıtarylatyn bolady.
I.Merkel A.Meshimbaeva qatysty onyń bastapqyda Birikken Arab Ámirliginde, keıinnen Reseıde boı tasalaǵandyǵyn, reseılik bılik ony Qazaqstanǵa ekstradıtsııalaý týraly sheshim qabyldaǵandyǵyn atap ótti.