A. Lýkashenko Belarýs shekarasynyń kúzetin kúsheıtýdi tapsyrdy
21:00, 19 Qańtar 2015
ASTANA. QazAqparat - Belarýs Prezıdenti Aleksandr Lýkashenko Belarýs Respýblıkasy memlekettik shekarasynyń 2015 jyly kúzetilýi týraly sheshimin bekitti.
Bul týraly Belarýs Prezıdentiniń resmı saıtynan habarlanady.
Aleksandr Lýkashenko shekara qaýipsizdigi memlekettik saıasattyń mańyzdy máseleleriniń arasynda turǵanyn atap ótti.
Belarýs Prezıdenti shekara qyzmeti organdarynyń 2014 jylǵy jedel-qyzmettiń jumysynyń qorytyndylary týraly baıandamany tyńdady.
Memlekettik shekarany kúzetke alý týraly sheshimdi bekitkende A. Lýkashenko 2015 jyly shekara qaýipsizdigi júıesin odan ári jetildirý, onyń zamanaýı jaǵdaılarǵa beıimdelýi boıynsha qajetti tapsyrmalaryn berdi.