«A» korpýsy - erekshe elıta emes, ol halyqqa qyzmet etetin ári memleketke berilgen, onyń múddesin qorǵaıtyn adamdar - Ǵ.Ábdirahymov

ASTANA. 19 qarasha. QazAqparat - «A» korpýsy - erekshe elıta emes, ol halyqqa qyzmet etetin ári memleketke berilgen, onyń múddesin qorǵaıtyn adamdar. Bul týraly búgin Ortalyq kommýnıkatsııalar qyzmetinde ótken brıfıngte QR Prezıdenti Ákimshiligi basshysynyń orynbasary Ǵabıdolla Ábdirahymov aıtty.

«17 qazanda Memleket basshysy «A» kopýsynyń tolyq quramymen keńes ótkizip, olardyń aldyna bıýrokratızm men sarsańǵa salýdy tómendetý, memlekettik qyzmetshilerdiń kásibıligin arttyrý, memlekettik qyzmetterdiń sapasyn jaqsartý, ádepti qatań saqtaý jáne jemqorlyqpen kúres boıynsha mindetter júktedi», - dedi Ǵ.Ábdirahymov.

Sonymen qatar ol Elbasynyń: «A» korpýsy - erekshe elıta emes, ol halyqqa qyzmet etetin ári memleketke berilgen, onyń múddesin qorǵaıtyn adamdar», degen sózin taǵy bir eske saldy.