Á.Isekeshev sapaly jobalardyń tapshylyǵyn moıyndady
14:11, 06 Qarasha 2013
ASTANA. 6 qarasha. QazAqparat - Shynymen de, búginde joǵary sapaly jobalardyń tapshylyǵy mańyzdy máselege aınaldy.
Búgin Astanada ótken baspasóz máslıhatynda QR Indýstrııa jáne jańa tehnologııalar mınıstri Áset Isekeshev osylaı aıtty.
«Negizi, jobalardyń sapasy Indýstrıalandyrý kartasynyń negizgi kórsetkishi retinde belgilengen bolatyn. Ókinishke qaraı, qazir ondaı jobalar tapshy. Búginde oblystar, ulttyq kompanııalar men bıznes iske asyryp jatqan jobalardyń ishinde joǵary sapaly bastamalar az. Olardyń naqty strategııalary joq. Sondyqtan aldaǵy ýaqytta jobalardyń sapasyna joǵary talap qoıylady. Ásirese, ındýstııalyq-ınnovatsııalyq damý baǵdarlamanyń ekinshi besjyldyǵy barysynda osy máselege erekshe kóńil bólinbek», - deıdi Á.Isekeshev.