Á. Isekeshev óńirlerde ÚIID memlekettik baǵdarlamasynyń júzege asýy barysyn tekseredi

ASTANA. 30 qyrkúıek. QazAqparat - QR Premer-Mınıstriniń orynbasary-Indýstrııa jáne jańa tehnologııalar mınıstri Áset Isekeshev Aqtóbe jáne Qostanaı oblystarynda ÚIID memlekettik baǵdarlamasynyń júzege asýy barysyn tekseredi.

Bul týraly búgin Astanadaǵy brıfıngte QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev málim etti. «2 qazanda QR Premer-Mınıstriniń orynbasary-Indýstrııa jáne jańa tehnologııalar mınıstri Áset Isekeshev Údemeli ındýstrııalyq-ınnovatsııalyq damý baǵdarlamasynyń iske asýy barysymen, sondaı-aq Indýstrııalandyrý kartasy aıasynda iske qosylǵan jáne salynyp jatqan nysandarmen tanysý maqsatynda Aqtóbe men Qostanaı oblystaryna barady»,-dedi resmı ókil. Atap aıtqanda, Á. Isekeshevtiń qatysýymen «Aqtóbe-Invest-2013» ınvestıtsııalyq birinshi forýmyn ótkizý josparlanǵan.