Á. Isekeshev Indýstrııalandyrý baǵdarlamasy aıasynda jumys isteıtin kásiporyndardy qorǵaýǵa alýdy usyndy
«Shaǵyn jáne orta bıznes damýy úshin biz ózimizdiń iskerlik klımatymyzdy barynsha shapshań, barynsha ıkemdi etýimiz kerek. Memleket basshysy aıqyndap bergenindeı, mundaǵy basty mindet - kásipkerlik qyzmetke dekrımınızatsııalaý júrgizý qajet. Sondyqtan, shuǵyl túrde Údemeli ındýstrııalyq-ınnovatsııalyq damý baǵdarlamasy aıasynda jumys isteıtin, eksportqa baǵdarlanǵan, ónimdiligi joǵary, ınnovatsııalyq barlyq kásiporyndardy barynsha qorǵaýǵa alýdy usynamyz», dedi Á. Isekeshev. Onyń aıtýynsha, «sebebi, dál osyndaı kásiporyndar ekonomıkanyń qozǵaýshy kúshi bolyp tabylady. Olar qalypty jumys isteýi tıis, olardan ákimshilik qysymdy barynsha alyp tastaý qajet».
Aıta keteıik, óz kezeginde Úkimet basshysy Kárim Másimov bul usynysty qoldaıtynyn, ony Prezıdenttiń qaraýyna usynatynyn aıtty. «Men ındýstrııalandyrý kartasyna engizilgen jáne Bıznestiń jol kartasy aıasynda jumys istep jatqan kez kelgen kásiporyndy tekserýge moratorıı jarııalaý kerek degen ıdeıany qoldaımyn, ol óte durys», dedi K. Másimov. Osy oraıda Premer buny Memleket basshysy Jarlyǵynyń jobasy formasyndaǵy arnaıy josparda qarastyrý qajettigin atap kórsetti.