A.Daýylbaev: 2014 jyldyń 1 jartyjyldyǵynda qylmys deńgeıi 5,5 paıyzǵa tómendedi

ASTANA. QazAqparat - 2014 jyldyń 1 jartyjyldyǵynda qylmys deńgeıi 5,5 paıyzǵa tómendedi. Bul týraly búgin QR Bas prokýratýrasynyń aǵymdaǵy jyldyń 1-shi jartyjyldyǵyndaǵy jumys qorytyndysyn talqylaýǵa arnalǵan keńeıtilgen jıynynda vedomstvo basshysy Ashat Daýylbaev málim etti. Bul jaıynda QR Bas prokýratýrasynyń baspasóz qyzmetinen habarlady.

2014 jyldyń birinshi jartyjyldyǵynda qylmys deńgeıi 5,5 paıyzǵa tómendegenin atap ótken ol: «Asa aýyr jáne aýyr qylmystardyń tómendeý úrdisi jalǵasýda. Olardyń sany tórtten birge qysqardy. Atap aıtqanda, kisi óltirý 22,6, tonaý 27,9 qaraqshylyq 49, bopsalaý 22,7, buzaqylyq 16,3 paıyzǵa azaıdy.

«Mas jáne esirtkige elitý kúıde jasalatyn qylmystar 2,5 paıyzǵa kemidi. Buǵan qosa, aýyr jáne asa aýyr qylmystardyń áshkerelenýi sáıkesinshe 11 jáne 4 paıyzǵa ósti»,- dep qosty Bas prokýror.