Á. Asqarov: Qazaq tarıhy úshin eń qundy dúnıe - M.H. Dýlatıdyń «Tarıhı rashıdıi»

ASTANA. QazAqparat - Qazaq tarıhy úshin eń qundy dúnıe - Muhammed Haıdar Dýlatıdyń eńbegi. Óıtkeni, osydan 550 jyl buryn Qazaq handyǵynyń qurylǵandyǵy týraly derek ázirshe tek «Tarıhı rashıdı» qoljazbasynda ǵana kezdesedi. Búgin Ortalyq kommýnıkatsııalar qyzmetinde ótken brıfıng barysynda QR Ulttyq kitaphanasynyń dırektory Álibek Asqarov osyndaı pikir bildirdi. Eske sala keteıik, brıfıng «Eldiń tarıhy men mədenıeti - bolashaǵy tutas ult» taqyrybynda ótken bolatyn.

Kitaphana dırektorynyń aıtýynsha, QR Mədenıet jəne sport mınıstrligi Muhammed Haıdar Dýlatıdiń «Tarıhı rashıdı» atty qoljazbasyn parsy tilinen qazaqshaǵa aýdaryp, kitap etip jaryqqa shyǵarǵan.

«Bul kitap qazaqtyń mədenı ómirindegi aıtýly jańalyqtyń biri. Buǵan deıin Dýlatı qoljazbasy orys tilinen qazaqshaǵa aýdarylǵan bolatyn. Alaıda aýdarmada kóptegen túsinbestikter, kóne ataýlar men attardyń qate jazylýy, keıde ədeıi buratartýshylyq tolyp júrgendigi belgili boldy. Osy rette qazaq ǵalymdary tarapynan úlken talqylaý oryn aldy. Qazir «Qazaq handyǵyna 550 jyl» dep jatyrmyz. Biraq biz osy derekti qaıdan aldyq? Ol derekti Muhammed Haıdardyń osy qoljazbasynan aldyq. Basqa eshqandaı jazbalarda Qazaq handyǵynyń qurylǵandyǵy jaıynda derek kezdestirilgen joq. Bul kitaptyń qazaq úshin mańyzy da osynda jatyr», - dedi Əlibek Asqarov.