96 jastaǵy qaraǵandylyq qarııa saılaý ýchaskesine kelip, daýys berdi

QARAǴANDY. QazAqparat - Qaraǵandy qalasynyń eń qart turǵyndarynyń biri, soǵys ardageri, 96 jastaǵy Búrkit Esjanov saılaý ýchaskesine jubaıymen birge keldi, dep xabarlaıdy QazAqparat tilshisi.

Búrkit Esjanov Kógildir toǵandar shaǵyn aýdanyndaǵy №77 orta bilim berý mektebiniń saılaý ýchaskesinde daýys berdi. Ardager ýchaske barlyq qajetti quraldarmen jabdyqtalǵanyn jáne oǵan daýys berý jaıly bolǵanyn atap ótti.

«Búgin bizdiń respýblıka úshin úlken mereke - saılaý kúni. Jubaıymen birge kelip, daýys berdik. Biz tańdaǵan adam jumysqa qabiletti, halyqtyń, eńbekshilerdiń ótinishterine muqııat bolatynyna senimdimin», - dedi Búrkit Esjanov.

Qaraǵandy oblysynyń barlyq saılaý ýchaskeleri múmkindigi shekteýli adamdardyń qajettilikterine sáıkes jabdyqtaldy: olar úshin daýys berýge arnalǵan jeke kabınkalar ornatyldy jáne jáshikterge yńǵaıly qol jetkizýi úshin jaǵdaı jasaldy.

Keıbir ýchaskelerde býfetter jumys isteıdi.

Halyqaralyq jáne táýelsiz uıymdardyń atynan saılaý barysyn baqylaýǵa nıet bildirgen baıqaýshylar úshin saılaý ýchaskelerinde qolaıly jaǵdaı jasaldy.