900-ge jýyq sábı SMS-habarlama arqyly tirkeldi

ASTANA. QazAqparat - Búginge deıin 900-ǵa jýyq otbasy dúnıege kelgen sábılerin SMS-pen tirkep úlgergen. Bul týraly «Azamattarǵa arnalǵan úkimet» Memlekettik korporatsııasynyń qoǵammen baılanys departamentiniń dırektory Murat Jumanbaı aıtty.

«Búgingi kúnge deıin 5 myń jýyq jas ana SMS-habarlama arqyly quttyqtaýdy jáne telefonnnyń kómegi arqyly jańa týǵan sábıdi tirkeý týraly usynysty habarlama kúıinde qabyl aldy. Olardyń 900-i balalaryn tyń formatta tirkeýge kelisimin berdi», - deıdi Murat Jumanbaı óziniń Facebook paraqshasynda.

Murat Jumanbaı atalǵan qyzmet ótken jyldyń 29 jeltoqsanynda iske qosylǵanyn eske saldy. Bala ómir esigin ashqannan keıin olardyń analaryna avtomatty túrde balaǵa esim berý týraly saýal joldanady. Barlyq qajetti málimetter aqparattyq júıeler arqyly alynyp, eger derek az bolǵan jaǵdaıda ananyń ózinen SMS-habarlama arqyly qosymsha suralady. Sonymen birge, telefon arqyly balaǵa járdemaqy rásimdeý úshin esepshot nómiri men ony balabaqshaǵa tirkeý boıynsha jeke málimetti de SMS-habarlama arqyly joldaýǵa bolady. Ótinim berýshi osydan keıin tek qana qujatty HQKO-nan alyp ketý úshin kele alady. Budan bólek qajetti qujatty jetkizip tastaýǵa tapsyrys bere alady.

SMS-habarlama qyzmetine qol jetkizý úshin elektrondy úkimet portalynda JSB nómirimen birge jazyp jiberýge nemese HQKO-daǵy Connection point óz-ózine qyzmet kórsetý sektoryna júrinýge bolady.