90 jyldary halyqtyń úshten biri kedeılik sheginde edi - Nursultan Nazarbaev

NUR-SULTAN. QazAqparat – Elbasy Nursultan Nazarbaev Nur Otan partııasynyń keńesinde Qazaqstannyń táýelsizdik jyldaryndaǵy jetistikteri týraly aıtty, dep habarlaıdy QazAqparat Elbasy.kz saıtyna silteme jasap.

«Sońǵy jyldary Qazaqstannyń jalpy ishki ónimi 11 mıllıardtan 170,5 mıllıard AQSh dollaryna deıin ósti. Eger 90 jyldardyń basynda halyqtyń úshten biri kedeılik sheginde bolsa, qazir bul kórsetkish 4,6%-ǵa deıin tómendedi. Shaǵyn jáne orta bıznestiń JІÓ-degi úlesi 27% jetti, alǵashynda bizde jeke menshik bolmaǵan edi. Biz 300 mıllıard dollardan astam tikeleı sheteldik ınvestıtsııa tarttyq. Osy jyldar aralyǵynda Qazaqstannyń tranzıttik áleýetin edáýir nyǵaıta aldyq», - dedi Nursultan Nazarbaev.

Sonymen birge, Tuńǵysh Prezıdent Qazaqstannyń 2050 jylǵa deıingi damý strategııasynyń negizgi basymdyqtaryn nasıhattaý men túsindirý jumystaryn uıymdastyrýdyń mańyzdy ekenin eske saldy.