90 jyl buryn ashylǵan Kentaý jylý ortalyǵy qalaı jańartylyp jatyr
Byltyrǵy jylytý maýsymynda kentaýlyqtar sapaly jylýdy tutyna almaǵan edi.
«Kentaý jylý ortalyǵynyń qurylǵanyna 90 jyl boldy (1934 jyly) jáne ol 85 paıyzǵa tozǵan. Osyǵan oraı, ortalyqty janǵyrtý baǵytynda aýqymdy jumystar atqarylýda. Alty qazandyqqa qaıta qurý jumystary júrgizilýde», — dedi D. Satybaldy Ortalyq kommýnıkatsııalar qyzmetinde ótken baspasóz máslıhatynda.
Onyń ishinde 4 qazandyqqa qaıta qurý jumystary tolyq aıaqtalyp, shtattyq rejımde jumys istep tur. 2 qazandyqta qaıta qurý jumystary jaqynda aıaqtalady.
«Budan bólek, taǵy 2 qazandyq aǵymdaǵy jóndeýden ótti. 6,6 shaqyrym magıstraldy jylý qubyry jańartyldy. 1 týrbına jáne qural-jabdyqtar aǵymdaǵy jóndeýden ótkizildi. Qazirgi ýaqytta jylý jelilerindegi temperatýra belgilengen normatıvten de joǵary berilýde», — dedi oblys basshysy.
Eske sala ketsek, bıyl sáýir aıynda Kentaý, Rıdder jáne Qyzylordadaǵy jylý kózderin jańǵyrtýǵa Úkimet rezervinen 16 mlrd teńge bólingen edi.
Sonymen qatar, Kentaý qalasy ekologııalyq apat aımaǵy dep tanyldy jáne turǵyndar jalaqysyna 20% ústemeaqy qosylady.