90 áskerı qyzmetshi men olardyń otbasylaryna páter kilti tabys etildi (FOTO)
Munda kúrdeli jóndeýden keıin turǵyn úı paıdalanýǵa berildi. «Shyǵys» óńirlik qolbasshylyǵy áskerleriniń qolbasshysy general-maıor Nurlan Qashaǵanov Elbasynyń Qazaqstan halqyna joldaýynda áskerı qyzmetshilerdi áleýmettik qoldaýǵa únemi basa nazar aýdaratynyn atap ótip, áskerı qyzmetshiler men olardyń januıalaryn qonys toılarymen quttyqtady.
02352 áskerı bólimi ınjenerlik qorshaý rotasynyń aǵa maman-saperi efreıtor Talǵatbek Qalıev úshin bul kún erekshe boldy. Jan jarymen birge áskerı qyzmetshi toǵyz balany ósirip, tárbıeleýde. «Shyǵys» ÓńQ qolbasshysy otbasyǵa páter kiltin tabystap, teledıdar syıǵa tartty. «Bizdiń otbasy úshin bul mańyzdy oqıǵa. Biz jáne bala-shaǵamyz jańa, jaryq jáne jaıly páterge qonys aýdarǵanymyzǵa qýanyshtymyz», - deıdi áskerı qyzmetshi.
Áskerı qyzmetshilerdi qyzmet ótkerý oryndarynda sapaly turmystyq jaǵdaımen qamtamasyz etý búgingi kúni erekshe kóńil bólinip otyrǵan Qorǵanys mınıstrligi qyzmeti baǵyttarynyń biri bolyp tabylady. Jyl saıyn elimizdiń túkpir-túkpirinde kúrdeli qurylys, kúrdeli jóndeý jáne satyp alý arqyly ondaǵan myń sharshy metr baspana paıdalanýǵa berilip jatyr. 2016 jyly 1 639 páterdi tapsyrý josparlanǵan. Astana (Qyrqynshy st.), Aqtaý, Semeı, Almaty, Aıagóz, Úsharal qalalaryndaǵy, sondaı-aq, B. Momyshuly, Saryózek, Arnasaı kentteri jáne Gvardeısk kentinde áskerı qyzmetshiler jańa baspanaǵa ıe bolady.