9 jyl buryn mert bolǵan polıtseıdiń jubaıyna avtokólik kilti tabystaldy
Sharaǵa Іshki ister mınıstri Erjan Sadenov pen týrızm jáne sport mınıstri Ermek Marjyqpaev qatysty.
— 23 maýsym — Qazaqstan polıtsııasy kúni. Osy merekeniń qarsańynda álemdik deńgeıde top jaryp júrgen jáne eldegi jarystarda jetistikterge jetken sportshylarymyzdy atap ótkimiz keldi. Bizdiń «Dınamo» dene shynyqtyrý jáne sport qoǵamyn bilesizder. Jalpy Qazaqstannyń ulttyq quramasy 80% osy sport uıymynyń ókilderinen turady, - dedi Erjan Sadenov.
Mınıstr polıtsııa qyzmetkerleri men qonaqtardy kásibı merekemen quttyqtap, jyly lebizin bildirdi.
— Elimizdiń órkendeýi men halqymyzdyń ıgiligi jolynda qajyrly eńbek ete berińizder. Barshańyzǵa zor densaýlyq, amandyq, sarqylmas kúsh-qýat tileımin! El irgesi bútin, aspanymyz ashyq, zamanymyz beıbit bolsyn! — dedi Ermek Marjyqpaev.
Jıynǵa qatysýshylar sportshylardyń aldaǵy olımpıada oıyndaryna daıyndyǵyn pysyqtady. Olarǵa sáttilik pen jeńis tuǵyrynan kórinýdi tiledi. Merekege oraı sport sańlaqtary qos vedomstvonyń buıryǵymen marapattaldy.
Sonymen qatar jıynda aqmolalyq marqum ýchaskelik polıtsııa ınspektory Madııar Kojanovtyń otbasyna demeýshilerdiń atynan avtokólik, mınıstrlik atynan syılyqtar tabystaldy. Temir tulpar kiltin Qazaqstan–Sibir taý–ken metallýrgııa kompanııasynyń ókili Radıslav Zınnatýlın berdi.
— Mine, 9 jyl ótse de, biz árqashan qoldaý kórip kelemiz. Qamqorlyqtary biz úshin, balalar úshin mańyzdy. Alǵysym sheksiz. Eńbekterine tabys tileımin! Ulym áke jolyn qýyp, ІІM Almaty akademııasyna oqýǵa túsýdi josparlap otyr, - dedi marqum polıtseıdiń jubaıy Botagóz Qojanova.