9 sý qoımasy men 120 kanaldy salýǵa qatysty jol kartasy ázirlenedi - Úkimet
«Birinshiden, Ekologııa mınıstrligi bir aı merzimde 9 sý qoımasy men 120 kanaldy salý men rekonstrýktsııalaýdyń, sondaı-aq olardy tsıfrlandyrýdyń jol kartasyn ázirlesin. Ekinshiden, Aýyl sharýashylyǵy, Ekologııa mınıstrlikterine ákimdiktermen birlesip, Sýarmaly jerlerde sý únemdeý tehnologııalaryn engizý boıynsha 2025 jylǵa deıingi óńirlik jol kartalaryn bir aı merzimde ázirleýdi, sondaı-aq, jaıylymdardaǵy gıdrotehnıkalyq qurylystardy, qudyqtardy jańǵyrtý boıynsha sharalardy qabyldaýdy tapsyramyn», - dedi A. Mamın.
Sonymen qatar, Úkimet basshysy Aýyl sharýashylyǵy mınıstrligi Almaty, Túrkistan jáne Qyzylorda oblystarynyń ákimdikterimen birlesip, sýdy kóp qajet etetin daqyldardyń egistik jerlerin kezeń-kezeńimen azaıtý máselesin pysyqtaýy kerek ekenin júktedi.
Budan buryn habarlanǵandaı , tek avtomattandyrylǵan bólý men tasymaldaý esebinen sýdyń artyq jumsalýy jyl saıyn 1,2 tekshe shaqyrymǵa qysqarady.