9 shilde. Tulǵalar týǵan kún
ESІMDER
64 jyl buryn (1960) Ulttyq sport túrleri qaýymdastyǵynyń Bas hatshysy – vıtse-prezıdenti Tastanbek Qutjanuly ESENTAEV dúnıege keldi.
Batys Qazaqstan oblysy Jympıdy aýdanynda dúnıege kelgen. Qaraǵandy pedagogıkalyq ınstıtýtyn, Qazaqstan-Reseı ýnıversıtetin jáne Ýkraına ulttyq sport jáne dene tárbıesi ýnıversıtetin bitirgen.
Eńbek jolyn 1985 jyly Qaraǵandy qalasyndaǵy orys tili jáne ádebıetin arnaıy tereńdetip oqytý jáne kúsheıtilgen áskerı-dene shynyqtyrý daıyndyǵy mektep ınternatynyń vzvod komandıri bolyp bastady.
Sol ýaqyttan beri dene shynyqtyrý jáne sport salasynda túrli laýazymdarda qyzmet etken Tastanbek Qutjanuly 2012 jyly QR Týrızm jáne sport mınıstrliginiń Sport jónindegi komıtetiniń tóraǵasy, QR Sport jáne dene shynyqtyrý isteri agenttigi joǵary jetistikter sporty jáne sport rezervi departamentiniń dırektory qyzmetin atqardy.
2013-2014 jyldary QR Sport jáne dene shynyqtyrý isteri agenttiginiń tóraǵasy, 2014-2016 jyldary Mádenıet jáne sport mınıstriniń orynbasary, 2016-2017 jyldary qazaqsha kúres federatsııasynyń ókili, 2017 jyly Astana qalasy aýmaqtyq kásipodaqtar birlestiginiń tóraǵasy, 2018-2020 jyldary Astana qalasy Kásipodaq ortalyǵynyń tóraǵasy qyzmetin atqarǵan. 2021 jyldan beri – QR Bilim jáne ǵylym Mınıstrligi dene shynyqtyrý Ulttyq ǵylymı-praktıkalyq ortalyǵynyń basshysy. 2021-2023 jyldary «Astana» FK Bas dırektory boldy.
Qazirgi qyzmetin 2023 jylǵy sáýirden bastap atqaryp keledi.
60 jyl buryn (1964) TMD Bas hatshysynyń orynbasary Nurlan Musataıuly SEITІMOV dúnıege keldi.
Almaty oblysynda týǵan. QazMÝ zań fakýltetin, Reseı Federatsııasynyń SІM Dıplomatııalyq akademııasynyń «Halyqaralyq qatynastar» fakýltetin bitirgen.
KSRO Qarýly kúshteriniń qatarynda qyzmet etip, qoǵamdyq jáne kommertsııalyq uıymdarda jumys atqarǵan. QR SІM júıesinde 1994 jyldan bastap jumys isteıdi. 1994-1996 jyldary QR SІM Dıplomatııalyq ókildiktermen jumys departamentinde maman, 1997-2000 jyldary QR GFR Elshiliginiń bólimshesinde úshinshi hatshy, QR SІM Konsýldyq qyzmet departamentiniń ekinshi hatshysy, bólim bastyǵy, 2000-2004 jyldary QR Maındaǵy Frankfýrt qalasyndaǵy Bas konsýldyǵynyń konsýly, QR Gannover qalasyndaǵy konsýldyǵynyń konsýly, 2004-2007 jyldary QR SІM TMD departamentiniń bólim bastyǵy, basqarma bastyǵy, Departament dırektorynyń orynbasary laýazymyn atqarǵan. 2007-2010 jyldary QR Prezıdenti Ákimshiligi Syrtqy saıasat ortalyǵynyń bas ınspektory, meńgerýshiniń orynbasary, 2010-2013 jyldary QR Reseıdegi Elshiliginiń keńesshi-ýákili, 2013-2016 jyldary QR Maındaǵy Frankfýrt qalasyndaǵy Bas konsýly, 2016-2019 jyldary Qazaqstannyń Tájikstandaǵy Tótenshe jáne Ókiletti Elshisi, 2019 jyly QR Syrtqy ister mınıstrliginiń Jaýapty hatshysy, 2019-2024 jyldary QR Estonııa Respýblıkasyndaǵy Tótenshe jáne Ókiletti Elshisi qyzmetin atqarǵan.
Qazirgi laýazymyn 2024 jylǵy naýryzdan beri atqaryp keledi.
«Qurmet» ordenimen, «QR Konstıtýtsııasyna 10 jyl» (2005), «Astanaǵa 10 jyl» (2008), «QR Táýelsizdigine 20 jyl» (2011), «QR Táýelsizdigine 25 jyl» (2016) medaldarimen marapattalǵan.
43 jyl buryn (1981)Qazaqstan Respýblıkasy Ónerkásip jáne qurylys mınıstri Qanat Bısımbaıuly ShARLAPAEV dúnıege keldi.
Reseı Federatsııasynda týǵan. Saratov áleýmettik-ekonomıkalyq ýnıversıtetin, Krenfıld menedjment mektebin (Ulybrıtanııa) bitirgen. Mamandyǵy boıynsha ekonomıst, qarjy jáne basqarý magıstri.
Eńbek jolyn 2003 jyly Reseı Federatsııasynyń Petrokommerts bankiniń Klıentterdi basqarý basqarmasynyń menedjeri bolyp bastaǵan. 2006-2008 jyldary «Sıtı» ınvestıtsııalyq bankiniń London (Ulybrıtanııa), Praga qalalaryndaǵy (Chehııa) Qarjy departamentinde maman bolyp jumys istegen. 2008-2014 jyldary «Sıtı» ınvestıtsııalyq bankiniń (Ulybrıtanııa) naryqtaǵy aktsııalar jumysy jónindegi óńirlik dıvızıonynyń aǵa taldaýshysy, vıtse-prezıdentiniń kómekshisi, vıtse-prezıdenti bolǵan. 2014-2015 jyldary Ulybrıtanııanyń «Sıtı» ınvestıtsııalyq bankiniń Eýropa, Taıaý Shyǵys jáne Afrıka boıynsha Strategııalyq josparlaý jáne taldaý óńirlik tobynyń vıtse-prezıdenti laýazymyn atqarǵan. 2015-2017 jyldary Qazaqstannyń Sıtıbankinde bas qarjy dırektory, basqarma tóraǵasynyń orynbasary, aǵa vıtse-prezıdenti, 2017-2020 jyldary Reseı Federatsııasynyń «Sıtı» ınvestıtsııalyq bankiniń Reseı, Ýkraına jáne Qazaqstan boıynsha bas qarjy dırektory, aǵa vıtse-prezıdenti bolyp jumys istegen. 2020 jyly «Sıtı» ınvestıtsııalyq bankiniń (BAÁ) Afrıka, Taıaý Shyǵys pen Shyǵys Eýropanyń damýshy naryqtaryndaǵy strategııa, josparlaý jáne taldaý jónindegi óńirlik dırektory laýazymyn atqardy. 2022 jyly «Báıterek» ulttyq basqarýshy holdıngi» AQ Basqarma tóraǵasy qyzmetin atqarǵan.
Qazirgi qyzmetinde – 2023 jyldyń 4 kyrkúıeginen bastap.