9 ret urlyq jasaǵan adam jábirlenýshilermen tatýlasý arqyly bostandyqta júrgen
«Іsterdiń basym bóligi úkim shyǵarylýmen aıaqtalyp, qylmyskerler jasaǵan áreketi úshin shynaıy jaza alady. Máselen, azamat Begalın 2019 jyly 9 ret urlyq jasaǵan. Onyń úshinde 4 ret úıge urlanyp kirip, qylmys jasaǵany anyqtaldy», - dedi ol Ortalyq kommýnıkatsııalar qyzmetindegi baspasóz máslıhatynda.
Onyń atap ótýinshe, qylmysker joǵaryda atalǵan barlyq qylmysy úshin zardap shegýshilermen tatýlasý arqyly bostandyqta qalyp otyrǵan.
«Degenmen, osy jyldyń aqpanynda ol dúkenge kirip kezekti ret urlyq jasaǵany úshin ustalyp, tutqynǵa alyndy jáne bas bostandyǵynan aıyrýǵa sottaldy. Buǵan qosa, jasalǵan aýyr qylmystar barlyq ýaqytta quqyq qorǵaý organdary basshylarynyń erekshe baqylaýynda tur. Olardy tájirıbeli qyzmetkerler tergeıdi», - dedi Bas prokýrordyń orynbasary.