9 maýsym. Týǵan kún ıeleri

ASTANA. QazAqparat – Búgin, 9 maýsymda tulǵalardan kimder dúnıege kelgen? QazAqparat oqyrman nazaryna esimder kúntizbesin usynady.

ESІMDER

84 jyl buryn (1939) medıtsına ǵylymdarynyń doktory, professor, Qazaqstan júrek-qan tamyrlary hırýrgtary qaýymdastyǵynyń tóraǵasy, Qazaqstannyń profılaktıkalyq medıtsına akademııasynyń akademıgi Seıithan Joshybaıuly JOShYBAEV dúnıege keldi.

Ol Jambyl oblysy Turar Rysqulov aýdany (burynǵy Lýgovoı aýdany) Aqyrtóbe aýylynda týǵan. Qyrǵyz memlekettik medıtsına ınstıtýtyn, KSRO Medıtsına ǵylymdary akademııasynyń A.Bakýlev atyndaǵy Júrek-qan tamyrlary ǵylymı-zertteý ınstıtýtynyń aspırantýrasyn bitirgen.

1970-1984 jyldary - Bishkekte hırýrg, medıtsınalyq ınstıtýtynyń jalpy hırýrgııa kafedrasynyń assıstenti, Qyrǵyz Respýblıkasy Densaýlyq saqtaý mınıstrliginiń Respýblıkalyq kardıologııa ortalyǵynyń meńgerýshisi. 1984-1992 jyldary A.Syzǵanov atyndaǵy klınıkalyq jáne tájirıbelik hırýrgııa ǵylymı-zertteý ınstıtýty júrek-qan tamyrlary bóliminiń jetekshisi boldy. 2006 jyldan bastap Taraz qalasyndaǵy Kardıohırýrgııa ortalyǵynyń dırektory qyzmetin atqardy. S.Joshybaev Kardıologııa jónindegi kóptegen halyqaralyq uıymdar men odaqtardyń qurmetti múshesi. 1 ǵylym doktoryn, 9 ǵylym kandıdatyn daıyndap shyǵarǵan.

Ol tájirıbe almasý maqsatynda Mońǵolııa, Vengrııa, Germanııa, Úndistan, AQSh, Anglııa, Kanada, Polsha, Chehııa jáne taǵy basqa elderdiń arnaıy mamandandyrylǵan klınıkalarynda boldy. Qyrǵyzstan men Qazaqstannyń birneshe medaldarymen marapattalǵan.

47 jyl buryn (1975) Abaı oblysy ákiminiń orynbasary GARIKOV Dımıtrıı Aleksandrovıch dúnıege keldi.

Shyǵys Qazaqstan oblysy Borodýlıha aýdany Borodýlıha aýylynda týǵan. 1998 jyly Semeı qurylys tehnıkýmyn, 2000 jyly D.Serikbaeva atyndyǵy Shyǵys Qazaqstan tehnıkalyq ýnıversıtetin bitirgen.

Eńbek joly: Borodýlıha aýdany Borodýlıha aýylynyń «Turmys qyzmeti» AQ kochegary. Borodýlıha MAZS operatory. Borodýlıha aýdany ákimi apparatynyń bas mamany. Borodýlıha aýdany Dmıtrıevka JQB meńgerýshisi. «Kommýnaldyq sharýashylyq» memlekettik kommýnaldyq kópsalaly kásipornynyń bastyǵy. Shyǵys Qazaqstan oblysy Borodýlıha aýdanynyń turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń basshysy. «ShQO Borodýlıha aýdanynyń turǵyn úı-kommýnaldyq sharýashylyq, jolaýshylar kóligi jáne avtomobıl joldary bólimi» MM basshysy. Keıin Shyǵys Qazaqstan oblysy Borodýlıha aýdany ákiminiń orynbasary, «ShQO jolaýshylar kóligi jáne avtomobıl joldary basqarmasy» MM basshysy, Semeı qalasy ákiminiń orynbasary, Kýrchatov qalasynyń ákimi, Shyǵys Qazaqstan oblysy ákiminiń orynbasary bolǵan. Sondaı-aq ShQO «memlekettik sáýlet-qurylys baqylaýy basqarmasy» MM basshysy, Semeı qalasy ákiminiń orynbasary qyzmetterin atqarǵan.

Qazirgi qyzmetine 2022 jyldyń qazan aıynda kiristi.

43 jyl buryn (1980) Almaty oblysy ákiminiń birinshi orynbasary Nurlan Erǵalıuly ÁBDІRAHYM dúnıege keldi.

Jambyl qalasynda týǵan. «Qaınar» ýnıversıtetin «zańger» mamandyǵy boıynsha, Iel menedjment mektebin bitirdi.

Eńbek joly: 2001-2002 jyldary – «Astanaenergoservıs» AAQ baqylaýshysy. 2002-2007 jyldary – QR Ádilet mınıstrliginde jetekshi, bas maman, bólim bastyǵy, basqarma bastyǵynyń orynbasary, bastyǵy, zańnama departamenti dırektorynyń orynbasary. 2007 jylǵy qańtar-qyrkúıek aılarynda – QR Ádilet mınıstrligi normatıvtik quqyqtyq aktilerdi tirkeý departamentiniń dırektory. 2007-2009 jyldary – QR Ádilet mınıstrliginiń shaǵyn zań aktileri departamentiniń dırektory. 2009-2012 jyldary – QR Ádilet mınıstrliginiń Zııatkerlik menshik quqyǵy komıtetiniń tóraǵasy. 2012-2021 jyldary – QR Prezıdenti Ákimshiliginiń memlekettik ınspektory. 2021-2023 jyldary - Qazaqstan Respýblıkasy Prezıdent Ákimshiligi Memlekettik baqylaý jáne aýmaqtyq-uıymdastyrý jumysy bólimi meńgerýshisiniń orynbasary.

Qazirgi qyzmetin 2023 jyldyń sáýir aıynan atqaryp keledi.

34 jyl buryn (1989) Qazaqstan Respýblıkasy Eńbek jáne halyqty áleýmettik qorǵaý vıtse-mınıstri Oljas Temirbekuly ORDABAEV dúnıege keldi.

Almaty qalasynda týǵan. Abylaı han atyndaǵy Qazaq halyqaralyq qatynastar jáne álem tilderi ýnıversıtetin «Halyqaralyq quqyq» mamandyǵy boıynsha, Cesar Ritz Colleges Switzerland oqý ornyn «Qonaqúı jáne týrızm menedjmenti» mamandyǵy boıynsha bitirgen.

Eńbek joly: 2007 – 2008 jj. «Qazaqstan jastarynyń Kongresi» ZTB jobalarynyń úılestirýshisi. 2008 – 2009 jj. «Baýyrsaq kúni» qoǵamdyq qory atqarýshy dırektorynyń orynbasary. 2008 – 2009 jj. «Qazaqstan stýdentter Alıansy» RSD Almaty shtabynyń kóshbasshysy. 2010 – 2010 jj. «Biz qýatty Qazaqstan úshin» jastar qozǵalysy atqarýshy dırektorynyń orynbasary. 2010 – 2011 jj. «Qazaqstandyq azamattyq qorǵaý qory» qoǵamdyq qorynyń vıtse-prezıdenti. 2012 – 2014 jj. «Jańa tehnologııalar jáne azamattyq qorǵaý qory» JShS dırektorynyń syrtqy baılanystar jónindegi orynbasary. 2014 – 2015 jj. «Kásipqor» Holdıngi» KEAQ Áleýmettik áriptestik departamentiniń bas menedjeri. 2015 – 2016 jj. «Atameken» QR UKP Adamı kapıtaldy damytý departamenti dırektorynyń orynbasary. 2016 – 2018 jj. «Atameken» QR UKP Adamı kapıtaldy damytý departamentiniń dırektory. 2018 – 2018 jj. «Atameken» QR UKP adam kapıtalyn damytý departamentiniń basqarýshy dırektory. 2018-2022 jyldary «Atameken» QR Ulttyq Kásipkerler palatasy Basqarma Tóraǵasynyń orynbasary. 03.2022-07.2022 aralyǵy «Talap» KEAQ prezıdenti boldy.

Qazirgi qyzmetine 2022 jyldyń tamyzynda kiristi.