9 maýsym kúni Qaraǵandy oblysynda 787 saılaý ýchaskesi jumys isteıdi

QARAǴANDY. QazAqparat - Qazaqstan Respýblıkasy Prezıdentiniń saılaýyna bes kún qaldy. Oblystyq saılaý komıssııasynyń músheleri Erlan Qoshanovqa saılaý ýchaskeleriniń daıyndyq deńgeıi men jabdyqtalýy týraly aıtyp berdi, deıdi QazAqparat tilshisi.

Saılaý uıymdastyrýshylary daýys berý kúni aımaqta 787 ýchaske ashylatynyn aıtty. Olardyń barlyǵy tolyǵymen daıyn. Múmkindigi shekteýli saılaýshylarǵa erekshe kóńil bólindi. Olardyń kedergisiz daýys berýi úshin barlyq jaǵdaı jasalǵan.

Tizimde barlyǵy 930 myńnan astam saılaýshy bar.

Oblys ákimi saılaý kúni fors-majorlyq jaǵdaılarǵa jol bermeýdi taǵy da tapsyrdy. Oblystyń árbir turǵyny óziniń saılaý quqyǵyn paıdalana alýy mańyzdy ekenin atap ótti.

Qazaqstan prezıdentiniń saılaýy 9 maýsymda ótedi. Saılaý ýchaskeleri tańǵy saǵat 7.00-den keshki 8.00-ge deıin jumys isteıdi.

Bul kúni oblys qalalarynda avtobýsta jol júrý tegin bolady.