9 maýsymda aptap ystyq bolady
Sınoptıkterdiń boljamyna sáıkes, QR aýmaǵynyń basym bóliginde aýa raıynyń turaqsyz sıpaty saqtalady. Atmosferalyq fronttardyń ótýimen , naızaǵaı oınap, jańbyr jaýady. Eldiń soltústiginde – qatty jańbyr, burshaq, daýyl kútiledi. Respýblıka boıynsha tuman, jel kúsheıedi dep kútilýde.
Kúndiz Almaty, Qyzylorda, Jetisý oblystarynda kún qatty ysıdy, Atyraý, Jambyl, Ulytaý oblystary, Abaı óńiriniń batysynda, Túrkistan oblysynyń shóleıtti aýdandarynda qatty ystyq bolady dep kútiledi.
Mańǵystaý, Túrkistan, Jambyl, Almaty oblystarynda, Ulytaý óńiriniń batysynda, ońtústiginde, ortalyǵynda, Qyzylorda oblysynyń soltústiginde, ońtústik-shyǵysynda, batysynda, Batys Qazaqstan oblysynyń ońtústiginde, Aqtóbe óńiriniń batysynda, soltústiginde, soltústik-shyǵysynda, ońtústiginde, Jetisý oblysynyń ortalyǵynda, Qostanaı, Qaraǵandy jáne Abaı oblystarynyń ońtústiginde órt qaýpi joǵary bolady.
Atyraý oblysynda, Túrkistan oblysynyń soltústik, batys, shóleıtti aýdandar bóliginde, Batys Qazaqstan oblysynyń batysynda, ońtústiginde, soltústik-shyǵysynda, Qyzylorda oblysynyń ortalyǵynda, soltústiginde, shyǵysynda, Mańǵystaý óńiriniń ortalyǵynda, Aqtóbe oblysynyń ońtústiginde tótenshe órt qaýpi kútiledi.