9 qarashada Qazaqstannyń soltústik oblystarynda tuman túsip, boran soǵady

<p>ASTANA. KAZINFORM - Senbi, 9 qarashada Qazaqstannyń 16 oblysynda daýyldy eskertý jarııalandy, dep habarlaıdy &laquo;Qazgıdromet&raquo; RMK.</p>

Abaı oblysynyń batysynda, soltústiginde jáne ortalyǵynda kóktaıǵaq bolady. Batysta, soltústikte, oblys ortalyǵynda jel 15-20 m/s.

Aqmola oblysynda kúndiz qar jaýyp, túnde jáne kúndiz burqasyn kútiledi. Túnde oblystyń batysynda, soltústiginde, ońtústiginde ekpini 15-20, kúndiz 23-28 m/s bolady. Oblystyń soltústigi men shyǵysynda jeldiń ekpini 30 m/s jáne odan da asyp túsedi.

Aqtóbe oblysynyń soltústigi men shyǵysynda kóktaıǵaq kútiledi. Túnde jáne tańerteń oblystyń soltústigi men ońtústiginde tuman bolady. Jeldiń ekpini 15-20 m/s.

Atyraý oblysynyń batysynda, ońtústiginde, shyǵysynda túnde jáne tańerteń tuman, kóktaıǵaq bolady.

Almaty oblysynyń ońtústiginde, taýly aýdandarynda ońtústik-batystan jel soǵady, ekpini 15-20 m/s.

Shyǵys Qazaqstan oblysynyń batysynda, soltústiginde jáne shyǵysynda qar jaýyp, kóktaıǵaq kútiledi. Jeldiń ekpini 15-20 m/s.

Shyǵysta, Jetisý oblysynyń taýly aımaqtarynda tuman, kóktaıǵaq kútiledi. Shyǵystan ońtústik-batystan soǵatyn jel, oblystyń taýly aýdandarynda ekpini 15-20 m/s.

Túnde Batys Qazaqstan oblysynyń batysynda, ońtústiginde, shyǵysynda kóktaıǵaq kútiledi. Túnde jáne tańerteń oblystyń batysynda jáne soltústiginde tuman túsedi. Jeldiń ekpini 15-20 m/s.

Qaraǵandy oblysynyń soltústiginde, shyǵysynda jáne ońtústiginde kóktaıǵaq, burqasyn kútiledi. Jeldiń ekpini 15-20 m/s.

Qyzylorda oblysynyń soltústiginde, shyǵysynda jáne ortalyǵynda túnde tuman, kóktaıǵaq kútiledi.

Qostanaı oblysynyń soltústiginde jáne shyǵysynda kóktaıǵaq, burqasyn bolady, kúndiz kóktaıǵaq, túnde jáne tańerteń oblystyń batysynda jáne soltústiginde tuman túsedi; Túnde oblystyń soltústigi men shyǵysynda jeldiń kúshi 15-20 m/s, kúndiz 15-20 m/s, oblystyń shyǵysynda ekpini 23-28, keı ýaqytta 30 m/s jetedi.

Mańǵystaý oblysynyń batysynda, soltústiginde jáne ortalyǵynda túnde jáne tańerteń tuman túsedi.

Kúndiz Pavlodar oblysynyń batysynda, soltústiginde jáne ońtústiginde burqasyn kútiledi. Kúndiz oblystyń batysynda, soltústiginde, ońtústiginde jel 15-20, ekpini 23-28 m/s.

Soltústik Qazaqstan oblysynda kúndiz jaýyn-shashyn (jańbyr, qar), burqasyn, kóktaıǵaq kútiledi. Túnde oblystyń batysynda, soltústiginde, ońtústiginde ekpini 15-20 m/s, kúndiz 23-28 m/s, oblystyń ońtústiginde keı jerlerde 30 m/s jáne odan da kóp jel soǵady.

Túrkistan oblysynyń soltústiginde, batysynda, taýly aımaqtarynda tuman, kóktaıǵaq kútiledi. Soltústikte, oblystyń taýly aımaqtarynda 15-20 m/s jel soǵady.

Kúndiz Ulytaý oblysynyń ońtústiginde kóktaıǵaq, burqasyn kútiledi. Kúndiz oblystyń soltústiginde jel 15-20 m/s kúsheıedi.