9 aıdaǵy qysqamerzimdi ekonomıkalyq ındıkator 4,4 paıyz deńgeıinde baǵalanady
«Qańtar-tamyz aralyǵyndaǵy qysqamerzimdi ekonomıkalyq ındıkator jyldyq mánde 4,4% deńgeıinde baǵalanyp otyr. Іskerlik belsendiliktiń keńeıýi ishki jáne syrtqy suranyspen qamtamasyz etiledi. Aıtarlyqtaı ósim qurylys, kólik, aqparat jáne baılanys salalarynda baıqalýda. Ónerkásipte óńdeý sektorynyń oń dınamıkasy saqtalady. Al, turaqty ishki suranysqa baılanysty saýda salasynyń kórsetkishteri qarqyndy», - dedi UB tóraǵasy.
Onyń atap ótýinshe, ishki suranys halyqtyń naqty tabysynyń ósýimen qamtamasyz etilip otyr. USB-nyń jańartylǵan málimetteri boıynsha, shilde aıynyń sońynda naqty kiristerdiń ósimi 4,5% boldy. Sondaı-aq buǵan ekonomıkanyń resýrstyq emes sektoryndaǵy ınvestıtsııalyq belsendiliktiń keńeıýi men júrgizilip jatqan fıskaldyq yntalandyrý óz yqpalyn tıgizip otyr.
«Ulttyq bank baqylap otyrǵan iskerlik belsendilik ındeksi jyldyń kóp bóliginde nemese segiz jyl tarynan oń aımaqta qalyptasty. Kásiporyndar bıznes júrgizýdiń keleshek sharttaryn oń baǵalady», - dedi Tımýr Súleımenov.