9 aıda memlekettik organdar 2,2 trln teńgeniń tapsyrysyn bir kózden satyp alǵan

<p>Qarjy mınıstrligi Іshki memlekettik aýdıt komıtetiniń málimeti boıynsha 9 aıda memlekettik organdar 2,2 trln teńgeniń lotyn bir kózden satyp alǵan, dep habarlaıdy <a href="https://kaz.inform.kz/" target="_blank" rel="noopener">QazAqparat </a>tilshisi.</p>

«2021 jyly bir kódden satyp alý tásili arqyly 2,7 trln teńgeniń 955 myń 301 kelisimsharty jasaldy. 2022 jyly osy tásilmen 2,2 trln teńgeniń 274 myń 312 kelisimsharty jasaldy. 2023 jyldyń 9 aıynda bir kózden satyp alý ádisimen 2,2 trln teńgeniń 151 myń 671 kelisimsharty bekitildi», - delingen komıtet usynǵan derekte.

Bul málimetten bir kózden satyp alý arqyly jasalatyn kelisimsharttadyń sany 3 jyldyń ishinde eki esedeı azaıǵanyn kórýge bolady. Biraq kelisimsharttardyń sany azaıǵanymen somasy azaımaǵan. Tipti bıylǵy 9 aıdyń qorytyndysy byltyrǵy 12 aıdyń kórsetkishine teńesip úlgergen.

Komıtet 9 aıda jalpy somasy 10,1 trln teńge bolatyn 353 myń 111 lotqa kameraldyq baqylaý júrgizgen. ıAǵnı, komıtet nazaryna alynǵan 10,1 teńgeniń 2,2 trln teńgesi bir kózden satyp alynǵan. Sondaı-aq, kameraldyq baqylaý kezinde 1,1 trln teńgeniń zańsyzdyǵy anyqtalǵan.

«Kóbinese buzýshylyqtar densaýlyq saqtaý, bilim berý jáne qurylys salalarynda anyqtalady. Mınıstrlikter arasynda buzýshylyqtardy anyqtaý mınımaldy, óıtkeni olar satyp alýdyń negizgi uıymdastyrýshylary emes»,- deıdi Іshki memlekettik aýdıt komıteti tóraǵasynyń orynbasary Renad Ahmetov.