9 aıda ekonomıkanyń ósimi 4 paıyzdyq mejege jetken

<p>ASTANA. KAZINFORM &ndash; Premer-mınıstrdiń orynbasary &ndash; Ulttyq ekonomıka mınıstri Nurlan Baıbazarov jyl basynan beri el ekonomıkasynyń ósimi shıkizattyq emes sektordyń esebinen bolǵanyn aıtty.</p>

«Qańtar-qyrkúıektiń qorytyndysy boıynsha ekonomıkanyń ósýi 4%-ti qurady. Qabyldanyp jatqan sharalardyń nátıjesinde úshinshi aı qatarynan ósýdiń jedeldeýi baıqalýda. Naqty sektordaǵy ósý 5% boldy. Kórsetiletin qyzmetter salasyndaǵy óndiris 3,8%-ke artty. Bıyl ekonomıkanyń ósýi tolyǵymen shıkizattyq emes sektordyń damýy esebinen qamtamasyz etilýde», - dedi ol.

Mınıstrdiń sózinshe, eń joǵary ósim aýyl sharýashylyǵy men qurylys salasynda tirkelgen. Kólik qyzmeti 8%-ke, baılanys 6,4%-ke, saýda 6,3%-ke, óńdeý ónerkásibi 4,8%-ke ósken.

«Jalpy ishki ónimniń ósýiniń 65%-i saýda, óńdeý ónerkásibi, qurylys jáne aýyl sharýashylyǵy esebinen qamtamasyz etildi. Negizgi kapıtalǵa salynǵan ınvestıtsııalar 0,6%-ke ósti. Investıtsııanyń eń joǵary ósýi shıkizattyq emes salalarda baıqalady», - dedi Nurlan Baıbazarov.