9 aıda aýyl sharýashylyǵyna 598,9 mlrd teńge ınvestıtsııa salyndy

ASTANA. QazAqparat – 2022 jyldyń 9 aıynda aýyl sharýashylyǵynyń negizgi kapıtalyna salynǵan ınvestıtsııa kólemi 598,9 mlrd teńgege jetti. Bul týraly Úkimet otyrysynda QR Aýyl sharýashylyǵy mınıstri Erbol Qarashókeev aıtty, dep habarlaıdy QazAqparat tilshisi.

«Osy jyldyń 9 aıynda aýyl sharýashylyǵynyń negizgi kapıtalyna salynǵan ınvestıtsııalar kólemi 7,5 paıyzǵa ulǵaıyp, 598,9 mlrd teńgeni, tamaq ónimderi óndirisiniń negizgi kapıtalyna salynǵan ınvestıtsııalar kólemi 27,6 paıyzǵa artyp, 88,8 mlrd teńgeni qurady», - dedi mınıstr.

Erbol Qarashókeev Aýyl sharýashylyǵy mınıstrligi josparlaǵan nátıjelerge qol jetkizýge múmkindik beretin barlyq qajetti is-sharalardy qabyldap jatqanyn aıtty.

Mınıstrdiń dereginshe, osy jyldyń 9 aıynda jalpy aýyl sharýashylyǵy óniminiń kólemi 6,9 paıyzǵa ulǵaıyp, 6,8 trln teńgeni qurady. Bul ósim ósimdik sharýashylyǵy ónimi kóleminiń 11 paıyzǵa, mal sharýashylyǵy óniminiń 1,1 paıyzǵa ulǵaıýy esebinen qamtamasyz etildi.