«9-20-25» baǵdarlamasy baspana naryǵyna qalaı áser etedi — sarapshy pikiri

<p>Qazaqstannyń Rıeltorlary birlesken qaýymdastyǵy prezıdentiniń keńesshisi Nına Lýkıanenko «9-20-25» baǵdarlamasyn iske qosý baspana naryǵyna qalaı áser etetindigine qatysty pikir bildirdi, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Kelesi jyly „9-20-25“ qoljetimdi ıpotekanyń sharttary jarııa etilmek. Úı alǵysy keletin kóptegen jan baspana satyp alý úshin jańa qoljetimdi tetikterdi kútip otyr. Degenmen, ıpotekanyń bul túri azamattardyń barlyq sanatyna qoljetimdi bolmaýy yqtımal», — dedi ol agenttik tilshisine bergen suhbatynda.

Osy oraıda ol baspana satyp alýdy josparlap júrgen turǵyndarǵa keńes berdi.

«Búkil naryqqa qatysty naqty usynym joq. Árbir jaǵdaıdyń tasasynda naqty mindeti, oıy, ómirlik josparlary bar adamdar tur. Sondyqtan usynys bireý ǵana — ómir jalǵasa beredi. Demek, eger siz baspanany satpaq bolsańyz satyńyz, satyp alǵyńyz kelse, ózińizge qolaıly múmkindikterdi qarastyryńyz», — dedi Nına Lýkıanenko.