88 myń granttyń kóbi óz ıesin tapty – Ǵylym jáne joǵary bilim mınıstrligi

NUR-SULTAN. QazAqparat – Bıylǵy oqý jylyna bólingen 88 myń granttyń kóbi óz ıesin tapqan. Jalpy grant taǵaıyndaý jumystary 25 tamyzǵa deıin aıaqtalýǵa tıis. Bul týraly QR Ǵylym jáne joǵary bilim mınıstrligi Joǵary jáne joǵary oqý ornynan keıingi bilim departamenti dırektorynyń orynbasary Erjan Ámirbekuly aıtty, dep habarlaıdy QazAqparat tilshisi.

«Qazirgi tańda oqýǵa qabyldaý protsesi júrip jatyr. Qansha stýdenttiń grantqa qabyldanǵany týraly naqty aqparatty 25 tamyzǵa qaraı beremiz. Ózderińiz bilesizder, bıyl Memleket basshysynyń tapsyrmasymen qosymsha 88 myńǵa jýyq grant bólindi. Onyń kóbi óz ıegerin tapty. Al ári qaraı osy granttyń qalǵan bóligin taǵaıyndaý, aqyly bólimge qabyldaý jumystary qazir jalǵasyp jatyr», - dedi ol BAQ ókilderiniń suraǵyna bergen jaýabynda.

Sondaı-aq, vedomstvo ókili oqý men jataqhana baǵasy mınıstrdiń jiti baqylaýynda ekenin aıtyp, ata-analarǵa qatty qobaljymaýǵa keńes berdi.

«Jalpy ata-analardyń qatty qobaljýyna sonshalyq negiz joq. Sebebi bul máselelerdiń bárin Ǵylym jáne joǵary bilim mınıstri jiti qadaǵalap otyr. Sondyqtan mınıstrlik te, joǵary oqý oryndary da baǵa saıasatyna baılanysty, stýdentterdiń turmys-tirshiligine baılanysty búkil tapsyrmalardy qadaǵalap otyrady», - dedi Erjan Ámirbekuly.

Sondaı-aq, ol keıbir Ulttyq ýnıversıtetterde oqý aqysy nege qymbattaǵanyn túsindirdi.