85 myń oqýshyǵa Qazaqstanda shyǵarylǵan kompıýter tapsyryldy

NUR-SULTAN. QazAqparat - 2020 jyly Qazaqstanda shyǵarylǵan 85 267 kompıýter mektep oqýshylaryna tabystaldy. Bul týraly QR Tsıfrlyq damý, ınnovatsııa jáne aeroǵarysh ónerkásibi mınıstrligi málim etti, dep habarlaıdy QazAqparat tilshisi.

QR Tsıfrlyq damý, ınnovatsııalar jáne aeroǵarysh ónerkásibi mınıstrligi QR Úkimetiniń kómegimen mektep oqýshylaryna otandyq segiz óndirýshi jasap shyǵarǵan 85 267 kompıýter tehnıkasyn tapsyrdy.

QR Tsıfrlyq damý, ınnovatsııa jáne aeroǵarysh ónerkásibi mınıstrliginiń málimetinshe, onyń ishinde Úkimet rezervinen bólingen qarajat sheńberinde 74 711 kompıýterlik tehnıkany jetkizýge 4 otandyq óndirýshimen kelisimshart jasalǵan («Logıkom» AQ, «Kırov atyndaǵy zaýyt» AQ, «Ateko» JShS jáne «ROM Kompıýterlik ortalyǵy»).

Osy kelisimderdiń arqasynda kompanııalar 160 jańa jumys ornyn ashyp, óndiris kólemin ótken jylmen salystyrǵanda 2,5 eseden astam ósirdi (5,5 mlrd teńge).

Búgingi kúni otandyq óndirýshiler kompıýterlik tehnıkany jetkizý boıynsha barlyq kelisimshartty tolyǵymen oryndady.

«Qysqa merzimge, komponentterdiń jetispeýshiligine jáne logıstıka problemalaryna qaramastan otandyq kompanııalardyń kópshiligi barlyq mindettemelerdi ýaqytynda oryndaýǵa kúsh saldy. Sonymen qatar, paıdalanýshylardan ónimniń sapasyna qatysty shaǵymdar bolǵan joq, óıtkeni tájirıbesi mol jáne ónimderdi synaý úshin qajetti jabdyqtary bar bul kompanııalar sapany 3 jylǵa deıin kepildikpen qamtamasyz etti», - deıdi mınıstrliktegiler.