85,3 mln. gektar jerdi Qazaqstannyń zańdy jáne jeke tulǵalary jekemenshikke aýktsıon arqyly satyp alý múmkindigi bar

ASTANA. QazAqparat - Aýyl sharýashylyǵy óndirisin júrgizýge arnalǵan 85,3 mln. gektar jerdi Qazaqstannyń zańdy jáne jeke tulǵalary jekemenshikke aýktsıon arqyly satyp alý múmkindigi bar. Bul týraly Memleket basshysy Nursultan Nazarbaevtyń «Ult jospary - qazaqstandyq armanǵa bastaıtyn jol» maqalasynda jarııalandy.

«Fermerlik pen búkil agrarlyq sektordy damytý úshin aıtarlyqtaı yntalandyrýshy kúsh Jer kodeksine engizilgen ózgerister boldy. Jańa quqyqtyq normalar jumys istep turǵan 224 myńnan astam agroónerkásiptik keshen sýbektilerine olar jalǵa alǵan 97,4 mln. ga jerdi jekemenshikke alýǵa múmkindik beredi. Onyń ústine, kadastrlyq qunynyń 50 paıyzy kóleminde 10 jyl merzimge bólip-bólip tóleý qarastyrylǵan. Budan bólek, 102 mln. gektar zapas jerdiń aýyl sharýashylyǵy óndirisin júrgizýge arnalǵan 85,3 mln. gektaryn da Qazaqstan Respýblıkasynyń zańdy jáne jeke tulǵalary jekemenshikke aýktsıon arqyly satyp ala alady»,-delingen QR Prezıdenti maqalasynda.