84 myńnan astam qazaqstandyq nesıesin keıinge shegerýdi ótinip, bankke júgingen

ALMATY. QazAqparat – 84 myńnan astam qazaqstandyq nesıe boıynsha tólemin keıinge qaldyrý úshin bankterge júgindi, dep habarlaıdy QazAqparat tilshisi.

«Búgingi kúni ekinshi deńgeıli bankter jáne mıkroqarjy uıymdary tólemderdi toqtata turýǵa jeke tulǵalardan 45,5 mln teńgege 84 345 ótinim qabyldady, onyń ishinde 12 071 ótinim maquldandy. Jeke kásipkerler men shaǵyn jáne orta bıznes sýbektileri boıynsha ekinshi deńgeıdegi bankter jáne mıkroqarjy uıymdary tólemderdi toqtata turýǵa 12,3 mln teńge somaǵa 17 671 ótinim qabyldady, onyń ishinde 3 244 ótinim maquldandy»,– dedi onlaın brıfıng barysynda QR Qarjy naryǵyn damytý jáne retteý agenttigi basqarma tóraǵasynyń orynbasary Nurlan Ábdrahmanov.

Onyń sózine sensek, bul tsıfrlar jeke jáne zańdy tulǵalardan ótinimderdiń kelip túsýine qaraı áli tolyqtyrylady.