838 aýylda sý tazartatyn keshendi blok-modýlder ornatylady - Beıbit Atamqulov

NUR-SULTAN. QazAqparat - 838 aýylda sý tazartatyn keshendi blok-modýlder ornatylady. Bul týraly Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Qazirgi ýaqytta Elbasynyń bastamasymen «Aýyl -el besigi» baǵdarlamasy iske asyrylýda. Aýyldardy sýmen jabdyqtaý júıesin damytý osy baǵdarlamamen úılestirilgen. Qazir respýblıka boıynsha barlyǵy 6 341 aýyl bar. Onyń ishinde 4 078 aýyl ortalyqtandyrylǵan sýmen jabdyqtalǵan. 279 aýylda keshendi blok-modýlder ornatylǵan. 1 146 aýylda ortalyqtandyrylǵan sýmen jabdyqtaý júıesi salynyp jatyr«, - dedi Beıbit Atamqulov.

Onyń aıtýynsha, 200-den az adam turatyn 838 aýylda óz elimizde óndirilgen sý tazartatyn keshendi blok-modýlder ornatylady.

«Nurly jer» baǵdarlamasy aıasynda barlyq qarjylandyrý kózderinen sýmen jabdyqtaý jáne sý burý júıelerin salýǵa jáne rekonstrýktsııalaýǵa 934 mlrd teńge kózdelgen«, - dedi mınıstr.