83 adamdy óltirgen qylmyskerge taǵy bir úkim shyqty

<p>Irkýtsk soty buǵan deıin 83 adamdy óltirgeni úshin sottalǵan, onyń ishinde eki ret ómir boıyna bas bostandyǵynan aıyrylǵan &laquo;angar manıagi&raquo; Mıhaıl Popkovqa qatysty tórtinshi úkimdi shyǵardy. Jańa is boıynsha, onyń jazasyna taǵy 10 jyl qosyldy.&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;bul týraly&nbsp;<a href="https://tass.ru/proisshestviya/19347303" target="_blank" rel="noopener">TASS-qa</a>&nbsp;silteme jasap habarlaıdy.</p>

«Popkovqa 10 jyl bas bostandyǵynan aıyrý jazasy taǵaıyndaldy», - dedi Irkýtsk oblysy prokýratýrasynyń baspasóz qyzmetinen.

Ol Reseı federatsııasy Qylmystyq kodeksiniń 105-baby, 2-bóligi «a» tarmaǵy (eki nemese odan da kóp adamdy óltirý) boıynsha aıypty dep tanyldy.

Tergeýshiler men sot onyń 1997 jyly Irkýtskiniń Jılkıno aýylynda 27 jastaǵy áıeldi óltirýge qatysy bar ekenin dáleldedi. Ol sondaı-aq 1998 jyly Irkýtskidegi Angar ózeniniń jaǵasynda 25 jastaǵy áıeldi, 2003 jyly Irkýtskiniń Novo-Lenınsk zıraty aýmaǵynda 31 jastaǵy áıeldi marqum etken. Manıak ekeýin býyndyryp óltirse, úshinshisine kóptegen pyshaq jaraqatyn salǵan.

Popkov Angar qalasynyń ishki ister organdarynda 1998 jylǵa deıin jumys istep, sol jyly shyǵyp ketken. Eks-mıllıonerge ómir boıyna bas bostandaǵynan aıyrý týraly alǵashqy jaza 2015 jyly taǵaıyndaldy. 2018 jyldyń jeltoqsanynda sot ony ekinshi ret ómiriniń sońyna deıin qamaýda ustaý úkimin shyǵardy.

Psıhologııalyq-psıhıatrııalyq taldaý qorytyndysyna sáıkes, Popkovtyń qylmys jasaýyna gomıtsıdomanııa, ıaǵnı adam óltirýge degen qumarlyq sebep bolǵan. Soǵan qaramastan ol aqyl-esi durys dep tanyldy.

2020 jyldyń shildesinde Tergeý komıteti eks-mıllıoner taǵy eki adamdy óltirgenin moıyndaǵanyn habarlady, 2021 jyly sot ony toǵyz jyl segiz aıyn abaqtyda ótkizý úkimin shyǵardy.

2022 jyly Popkov Irkýtskide taǵy da úsh áıeldiń ólimine qatysy bar ekenin málim etti. Ol Mordovııadaǵy qatań tártiptegi túzeý kolonııasynda ómir boıyna belgilengen jazany ótep jatyp, kinásin moıyndap hat jazǵan.

Popkov eń qanisher manıak dep tanyldy. Ol «rostov manıagi» Chıkatılodan da kóp adam óltirgen.