81 oqýshy qazaq tili men ádebıetten Qanıpa Bitibaeva olımpıadasynyń jeńimpazy boldy
Oqý-aǵartý mınıstrliginiń málimetinshe, respýblıkalyq olımpıada qorytyndysymen barlyǵy 81 oqýshy júldeli boldy. Taǵy 29 qatysýshy mınıstrliktiń «Erekshe jetistikteri úshin» gramotasyn aldy.
Eki jeńimpazǵa Sársen Amanjolov atyndaǵy Shyǵys Qazaqstan ýnıversıteti men Shákárim atyndaǵy ýnıversıtettiń bilim granttary tabystaldy.
«Olımpıadaǵa respýblıkanyń ár túpkirinen 169 oqýshy qatysty. Olar qazaq tili bilimi men qazaq ádebıeti shyǵarmalary, Qanıpa Bitibaevanyń ómirbaıany, ǵylymı-pedagogıkalyq murasy men pýblıtsıstıkalyq eńbekteri boıynsha saıysqa tústi. Oqýshylardyń bilimin ǵalymdar men jetekshi joǵary oqý oryndarynyń oqytýshylarynan turatyn qazylar alqasy baǵalady», – dedi «Daryn» RǴPO dırektory Ǵajdembek Tursynov.
Aıta ketý kerek, Qanıpa Bitibaeva atyndaǵy qazaq tili men ádebıetinen respýblıkalyq olımpıada 2014 jyldan beri dástúrli túrde ótkizilip keledi.