80 jyldyq tarıh – bolashaqqa degen senimniń jarqyn sımvoly
Іs-sharaǵa Qazaqstan halqy Assambleıasy Tóraǵasynyń orynbasary – QR Prezıdenti Ákimshiligi Qazaqstan halqy Assambleıasy Hatshylyǵynyń meńgerýshisi Marat Ázilhanov, Shymkent qalasy ákiminiń orynbasary Sársen Quranbek, Dúnıejúzilik ahysqa túrikteri Odaǵynyń prezıdenti Zııatdın Kasanov, Túrkııa Respýblıkasynyń Almaty qalasyndaǵy Bas konsýly Mýderrısogly Evren, «Shymkent qalalyq «Ahysqa» túrik etnomádenı ortalyǵy» qoǵamdyq birlestiginiń tóraǵasy, Túrkııa Respýblıkasynyń Qazaqstan Respýblıkasyndaǵy qurmetti konsýly Latıpsha Asanov arnaıy qatysty.
Aldymen «Dostyq úıi» aldyndaǵy «Qazaq eline myń alǵys» monýmentine gúl shoqtaryn qoıǵan qurmetti qonaqtar Qazaqstandaǵy ahysqa túrikteri týraly derekter qamtylǵan aqparattyq stendter men qolóner kórmesin tamashalady.
«Dostyq úıiniń» úlken zalynda Qazaqstan Respýblıkasynyń Memlekettik Gımnimen bastaý alǵan is-shara barysynda ahysqa túrikteriniń Qazaqstanǵa qonystanýynyń 80 jyldyǵyna oraı ázirlengen beınerolık jurtshylyq nazaryna usynyldy.
Qazaqstan halqy Assambleıasy Tóraǵasynyń orynbasary – QR Prezıdenti Ákimshiligi Qazaqstan halqy Assambleıasy Hatshylyǵynyń meńgerýshisi Marat Ázilhanov óz sózinde ahysqa túrikteriniń búgingi Qazaqstannyń ajyramas bir bóligine aınalǵanyn aıtty.
– Qazaqstandaǵy etnostar arasynda ahysqa túrikteriniń orny erekshe. 80 jyl boıy qazaqtyń kıeli jerinde ómir súrip, ortaq qundylyqtardy bólise otyryp, tarıhymyzdy birge jazýdamyz. Osy ýaqyt ishinde biz barlyq qıyndyqtar men qýanyshtardy bólisip, dostyǵymyzdy kúsheıte tústik. 80 jyldyq tarıh – baýyrmaldyqtyń, tózimdiliktiń jáne ortaq bolashaqqa degen senimniń jarqyn sımvoly, - dedi QHA Tóraǵasynyń orynbasary Marat Ázilhanov.
Shymkent qalasy ákiminiń orynbasary Sársen Quranbek aldymen jınalǵan kópshilikke qala ákimi Ǵabıt Ábdimájıtuly Syzdyqbekovtyń quttyqtaýyn jetkizip, 1944 jyly bolǵan tarıhı jaǵdaıǵa aıryqsha toqtaldy.
– Alǵash ahysqa túrikteri Qazaqstanǵa qonystanǵanda bul mereke emes edi. Ol sát el basyna kún týǵan, er etigimen sý keshken, at aýyzdyǵymen sý ishken qıyn-qystaý zaman boldy. Stalındik saıasat kóptegen ult ókilderin Qazaqstanǵa jer aýdartty. Árıne olar, órkendesin-óssin, kógerip-kóktesin dep oılamaǵany aıdan anyq. Degenmen, túbi bir túrki jurtyna qazaq halqy shama-sharqy kelgenshe qolushyn sozdy. Barlyǵy birlesip, búgingi beıbitshilik zamanǵa aman-esen jetti.
Qazaqstannyń damýyna ahysqa túrikteriniń qosqan úlesi bar. Jańa qazaq halqyna degen rızashylyqtaryńyzdy bildirdińizder. Biz de óz kezeginde osynsha jyl bizben birge bolǵandaryńyzǵa, ortaq elimizdiń, memleketimizdiń gúldenýine, órkendeýine qosqan súbeli úlesterińizge alǵysymyzdy aıtamyz, - dedi Sársen Abaıuly.
Іs-sharaǵa arnaıy kelgen qurmetti qonaqtar óz quttyqtaýlaryn jetkizip, jurtshylyqtyń ystyq yqylasyna bólendi. Birqatar belsendi azamattarǵa Qazaqstan halqy Assambleıasynyń «Alǵys» tósbelgisi men Shymkent qalasy ákiminiń Alǵys haty tabystaldy.
Merekelik is-shara kontserttik baǵdarlamamen jalǵasyn tapty.
Aıta keteıik, búginde elimizdiń úshinshi megapolısi – Shymkent qalasynda 7 myńǵa jýyq túrik etnosynyń ókilderi turady. Qalalyq Qazaqstan halqy Assambleıasy janynda áreket etetin «Shymkent qalalyq «Ahysqa» túrik etnomádenı ortalyǵy» qoǵamdyq birlestigi qashanda el ıgiligine baǵyttalǵan bastamalarǵa atsalysyp, qoǵamdyq kelisim men jalpyulttyq birlik salasyndaǵy memlekettik saıasat aıasynda jemisti jumys istep keledi.