80 myń múmkindigi shekteýli jan sanatorıılik-kýrorttyq emdeýmen qamtyldy
Sanatorıılik-kýrorttyq emdeý múgedektigi bar adamdarǵa (budan ári – MBA) ońaltý men abılıtatsııanyń jeke baǵdarlamasyna sáıkes beriledi.
QR Áleýmettik kodeksiniń 160-babyna sáıkes múgedektigi bar adamdar memlekettik bıýdjet qarajaty esebinen sanatorıılik-kýrorttyq emdelýmen tegin qamtamasyz etiledi. 2024 jyly sanatorıılik-kýrorttyq emdeý qunyn óteýdiń kepildendirilgen somasy kúnine 21 617,78 teńgeni (14 táýlik – 302 648 teńge) qurady.
Búgingi kúni Áleýmettik qyzmetter portalynda (budan ári – ÁQP)
sanatorıılik-kýrorttyq emdeý qyzmetteri kórsetý boıynsha 125 ónim berýshi tirkelgen.
Budan buryn habarlanǵandaı, MBA múddeleri men quqyqtaryn qorǵaý maqsatynda QR Eńbek jáne halyqty áleýmettik qorǵaý mınıstrligi qoldanystaǵy NQA-ǵa jergilikti atqarýshy organdar janyndaǵy ÁQP máseleleri jónindegi komıssııalardyń qyzmetin retteıtin jáne tehnıkalyq quraldar men ońaltý qyzmetterin berýshilerge qoıylatyn talaptardy kúsheıtetin ózgerister engizý týraly vedomstvo basshysy buıryǵynyń jobasyn ázirledi.
Qujatta Áleýmettik qyzmetter portalynda taýarlar men qyzmetterdi berýshilerdi tirkeýge jáne jiberýge qoıylatyn talaptar kúsheıtildi. Sanatorıılik-kýrorttyq emdeý qyzmetterin berýshiler ÁQP sanatorıılik-kýrorttyq uıymdardaǵy oryndardyń jalpy sany boıynsha, sondaı-aq múgedektigi bar adamdar men olardy birge alyp júrýshiler úshin beriletin oryndardyń sany týraly aı saıyn jalpy alǵnada tósek-oryndar sanynyń keminde 10%-y kóleminde derekterdi engizýge mindetti.
Sonymen birge buıryq jobasynda olarǵa barý arqyly ónim berýshilerge monıtorıng júrgizý kózdelgen. Osylaısha, ÁQP arqyly múgedektigi bar adamdarǵa kórsetiletin taýarlar men qyzmetterdiń ónim berýshi málimdegen sıpattamalarynyń sáıkestigi tekseriletin bolady.
Sondaı-aq, monıtorıng tehnıkalyq kómekshi (kompensatorlyq) quraldarmen, arnaýly júrip-turý quraldarymen nemese ÁQP arqyly kórsetiletin qyzmettermen qamtamasyz etilgen múgedektigi bar adamdarǵa barý arqyly júzege asyrylatyn bolady.
Budan basqa jergilikti atqarýshy organdar janyndaǵy Áleýmettik qyzmetter portaly máseleleri jónindegi komıssııalardyń taýarlar men kórsetiletin qyzmetterdiń sapasyna múgedektigi bar adamdardyń shaǵymdaryn qaraý merzimi 10 jumys kúninen
5 jumys kúnine deıin qysqartylady.
Joǵaryda kórsetilgen talaptar Áleýmettik qyzmetter portalynda taýarlar men qyzmetterdi berýshiler retinde barlyq qajetti talaptarǵa sáıkes keletin uıymdardy ǵana jiberýdi qamtamasyz etedi. Bul kórsetiletin qyzmetterdiń sapasyn arttyrýǵa jáne olardy alýshylardyń qaýipsizdigin qamtamasyz etýge múmkindik beredi.