80 keli shaıandy zańsyz aýlaǵan BQO turǵyndary ustaldy

<p>Aqtóbe oblysynyń polıtseıleri 80 keli shaıandy zańsyz aýlaǵan BQO turǵyndaryn ustady. <a href="https://kaz.inform.kz/" target="_blank" rel="noopener">Kazinform </a>&nbsp;bul týraly <a href="https://polisia.kz/" target="_blank" rel="noopener">Rolisia.kz</a>-ke silteme jasap habarlaıdy.&nbsp;</p>

12 qazanda Aqtóbe oblysy Oıyl aýdanynyń Aqkemer aýylynan 5 shaqyrym jerde polıtsııa qyzmetkerleri oblysaralyq basseındik balyq sharýashylyǵy ınspektsııasynyń qyzmetkerlerimen birlese otyryp, Qıyl ózeniniń arnasynda balyq resýrstaryn zańsyz aýlaǵan Batys Qazaqstan oblysynyń eki turǵynyn ustady. Ustalǵandardan jalpy salmaǵy 80 keliden asatyn 5 qap shaıan tárkilendi. Osy fakti boıynsha QR QK-niń 335-babynyń 1-bóligi boıynsha sotqa deıingi tergeý bastaldy.

Jyl basynan beri polıtsııa qyzmetkerleri reıdtik jumystar barysynda sırek kezdesetin jáne quryp ketý qaýpi tóngen ósimdikterdi, janýarlardy, olardyń bólikterin nemese derıvattaryn paıdalanýǵa tyıym salý talaptaryn buzýdyń 17 faktisi, balyq resýrstaryn, basqa da sý janýarlaryn nemese ósimdikterin zańsyz paıdalanýdyń 2 faktisi, zańsyz ań aýlaýǵa qatysty 2 fakti jáne aǵashtar men butalardy zańsyz kesýge baılanysty 1 faktiniń jolyn kesti.