80-degi qyzylordalyq qarııa mereıtoı kúnin saılaýǵa barýdan bastady

QYZYLORDA. QazAqparat - Qyzylorda qalasynyń turǵyny óziniń 80 jasqa tolǵan týǵan kúnin saılaý ýchaskesine baryp daýys berýden bastady, dep habarlaıdy QazAqparat tilshisi.

Ardager óziniń tańdaýyn №200 saılaý ýchaskesinde jasady. Onyń aıtýynsha, saılaý árbir memlekettiń damýynda úlken mánge ıe. Sondaı-aq qarııa búgingi saıası sharanyń sátti ótýine aq batasyn berip, sáttilik tiledi.

«Táýelsiz elimizdiń damýynda árbir saılaýdyń mańyzy zor. Búginge deıingi saılaýlarda da men osylaı belsendilik tanytyp kelemin. Búgingi mereıtoılyq týǵan kúnimde de sol daǵdymnan jańylǵan joqpyn. Elimizdiń bolashaǵy jarqyn bolýyna tilektespin», - dedi ol.

Búgin Qazaqstanda QR Parlamentiniń Májilisine jáne máslıhattarǵa depýtattardy saılaý ótip jatyr. Qazaqstandyqtar 5 partııanyń biri úshin daýys bere alady: «Aýyl» halyqtyq-demokratııalyq patrıottyq partııasy, «Nur Otan» partııasy, «ADAL» saıası partııasy, «Aq jol» demokratııalyq partııasy, Qazaqstannyń halyq partııasy.