8 jeltoqsanda elordada ótetin mańyzdy sharalar ańdatpasy

NUR-SULTAN. QazAqparat – «QazAqparat» Halyqaralyq aqparat agenttigi 8 jeltoqsan kúni elordada ótetin mańyzdy sharalar ańdatpasyn usynady.

10.00-de Qazaqstan Respýblıkasy Parlamenti Májilisiniń jalpy otyrysy bastalady.

11.00-de QR Tuńǵysh Prezıdenti – Elbasy kitaphanasynyń mýzeıinde «Tarıhı tańdaý. Táýelsizdik dáýiri» kórmesiniń ashylýy ótedi.

11.00-de «Nursáýlet» bıznes ortalyǵynda Qazaqstan Táýelsizdiginiń 30 jyldyǵy aıasynda «Táýelsizdik. Elorda. Baıqońyr» atty ǵylymı-tájirıbelik konferentsııa ótedi.

11.00-de ál-Farabı atyndaǵy Oqýshylar saraıynda TEDx Talks formatynda «Adam quqyǵy: áıelder men balalar» atty shara ótedi.

11.00-de QR Ulttyq mýzeıinde «Bolashaqqa baǵdar: rýhanı jańǵyrý» strategııalyq baǵdarlamasy jáne Qazaqstan Táýelsizdiginiń 30 jyldyǵy aıasynda «Qazaq Eli» atty zııatkerlik oıyn jobasynyń tanystyrylymy ótedi.

12.30-da QR Prezıdenti janyndaǵy Ortalyq kommýnıkatsııalar qyzmetinde «Memleket basshysynyń Joldaýy aıasynda Almaty qalasynyń damýy týraly» baspasóz máslıhaty ótedi. Spıker: Almaty qalasynyń ákimi Baqytjan Saǵyntaev. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz.

14.30-da AHQO ǵımaratynda Al Meer Investment and Trading Arab ınvestıtsııalyq kompanııasy men Astana halyqaralyq qarjy ortalyǵy arasynda kelisimge qol qoıylady.

15.00-de L. N. Gýmılev atyndaǵy Eýrazııa ulttyq ýnıversıteti QR Konstıtýtsııalyq Keńesimen birlesip, «Adam jáne azamattyń quqyqtary men bostandyqtaryn qamtamasyz etýdegi Qazaqstan Respýblıkasy Konstıtýtsııasynyń róli» taqyrybynda dóńgelek ústel ótkizedi.

16.00-de «Abattandyrýǵa, elektrmen jabdyqtaý obektileri men ınjenerlik jelilerdi, kógaldandyrýǵa jáne sanıtarııalyq tazartýǵa bólingen bıýdjet qarajatyn tıimdi paıdalaný sharalary týraly» Nur-Sultan qalasy máslıhatynyń jarııa tyńdaýlary ótedi.